El Golfu de Bengala ye un mar nel área nordés del océanu Índicu. La so forma aseméyase a un triángulu. Llenda al este cola península de Malaca, al oeste col subcontinente indiu. L'estremu norte del golfu llenda col estáu indiu de Bengala Occidental y con Bangladex. Los estremos del sur tán llindaos pola islla de Sri Lanka y el territoriu indiu de les Islles Andaman y Nicobar. Estes últimes islles dixebren el golfu de Bengala del mar d'Andamán (tamién mar de Birmania).
Munchos de los ríos principales de la India desagüen dende l'oeste na badea de Bengala: nel norte'l ríu Ganges (o Ganga), el ríu Meghna y el ríu Brahmaputra. Al sur el Mahanadi, el Godavari, el Krishna y el Kaveri (tamién escritu Cauvery). El monte de mangle llamáu los Sundarbans ta asitiáu nel delta que formen los ríos Ganges, Brahmaputra y Meghna nel golfu de Bengala.
Los puertos indios más importantes del golfu son Chennai (Madrás), Vishakhapatnam, Calcuta y Puducherry.
Historia Les zones costeres qu'arrodien el golfu de Bengala foron colonizaes primero polos portugueses. Ún de los principales asentamientos foi Santu Tomé de Meliapor, güei convertíu nuna barriada de la ciudá de Madrás na India. Nel añu 1522 los portugueses construyeron ellí una ilesia y, un añu más tarde, yá se construyera una pequeña ciudá nel llugar. A principios del sieglu XVII, Santu Tomé yera una gran ciudá según los criterios de la dómina. Los europeos desempeñaron un papel importante nel desarrollu históricu de la rexón bengalí. Sicasí, polo xeneral, fueron más continuadores de les actividaes de cultures anteriores que iniciadores del desarrollu. Anguaño, los espertos cunten que tiense sobrovalorada la influyencia nesta rexón de les primeres rellaciones comerciales colos europeos. Púdose demostrar que'l númberu de comerciantes asiáticos dedicaos a la importación y esportación de materies como la seda y otros testiles na zona del golfu de Bengala yera mayor al de los europeos, inclusive a mediaos del sieglu XVIII.
Delimitación de la IHO La máxima autoridá internacional en materia de delimitación de mares, la Organización Hidrográfica Internacional («International Hydrographic Organization, IHO), considera al golfu de Bengala («Bay of Bengal») como un mar. Na so publicación de referencia mundial, «Limits of oceans and seas» (Llendes d'océanos y mares, 3ª edición de 1953), asígna-y el númberu d'identificación 43 y definir de la forma siguiente:
Referencies
Enllaces esternos
Categoría:Xeografía d'Asia