SG-1000, foi la primera videoconsola de sobremesa desenvuelta por Sega. Foi primeru llanzada al mercáu nuna primer fase de pruebes en Xapón en 1981 y finalmente llanzada al mercáu xaponés en xunetu de 1983 por 15.000¥. La consola nun consiguió gran ésitu nesi mercáu. Sicasí, el sistema vendióse bien n'Asia hasta 1985. Foi tamién comercializada n'Australia por John Sands, en Nueva Zelanda por Grandstand Leisure Limited, y n'otros países como Italia, España, y Sudáfrica. La consola na so versión orixinal nunca llegó a América del Norte, el so nome ye sinónimu de Sega Game 1000.
En xunetu de 1984, Sega llanzó una versión actualizada de la consola llamada SG-1000 II, que cuntaba con un conector pa una ampliación de tecláu opcional. Una versión en forma d'ordenador d'esta consola col tecláu integráu foi comercializada sol nome de SC-3000. Irónicamente, la SC-3000 acabaría vendiendo más que la SG-1000.
La Sega Mark III, una versión inda más nueva llanzada en Xapón con hardware de videu ameyoráu y una mayor cantidá de RAM, sería rediseñada pa convertise na Sega Master System.
El fabricante de videoxuegos Tsukada Orixinal fixo'l Othello Multivision, un clon del SG-1000. El clon de Colecovision de Bit Corporation foi lleváu a América del Norte por una compañía llamada Telegames. Telegames llamó a esti clon Telegames Personal Arcade, y con él podíase xugar a xuegos de Colecovision y SG-1000.
thumb|200px|right|Sega Mark III: una variación de la SC-1000
Especificaciones téuniques CPU: NEC D780C (clon del Zilog Z80) 3.579545MHz en sistemes NTSC, 3.546893MHz en PAL * RAM principal: 16 Kbits (2KB) Video RAM: 128 Kbits (16KB) Soníu: Texas Instruments SN76489 4 canales de soníu monoaural 3 xeneradores de soníu, de 4 octaves cada unu, y un xenerador de ruíu blanco * Resolución de pantalla: 256x192 (16 colores)
Puertos: 1 Puertu paralelu 1 Cartuchu 1 Casete 1 Videu Compuestu 2 Joystick
Referencies
Enllaces esternos SEGA
Categoría:Videoconsoles de Sega Categoría:Videoconsoles de segunda xeneración