Esti artículu trata sobre la organización SIL Internacional. Pal ríu, vease Ríu Sil.
SIL International (tamién conocíu como Summer Institute of Linguistics, Institutu Llingüísticu de Branu) ye una organización ensin ánimu d'arriquecimientu perteneciente al cristianismu protestante evanxélicu, que la so finalidá principal ye arrexuntar y espublizar documentación sobre les llingües menos conocíes, col propósitu de traducir la Biblia a diches llingües. Esta institución caltién la base de datos Ethnologue, y céntrase principalmente nes llingües non escrites.
SIL International, primero llamáu "Summer Institute of Linguistics", empezó como un pequeñu cursu de branu práuticu n'Arkansas, l'añu 1934, pa misioneros de lo que más palantre se convertiría en Wycliffe Bible Translators. Anguaño, SIL tien rangu d'organismu consultivu ante la Unesco y ante les Naciones Xuníes. El SIL tien rexistraes y catalogaes por aciu el so códigu unes 7000 llingües en Ethnologue.
N'América Llatina, acusóse al SIL de ser cómpliz de les compañíes petroleres, al ayudar a éstes a que los indíxenes abandonaren les sos tierres y que estos se les apurrieren a les citaes compañíes, usando amás métodos turbios. Y dizse que sirve como avanzadura de les nueves esplotaciones de petroleu. Pa reforzar esti fechu afírmase que les organizaciones humanitaries de la familia Rockefeller (dedicada al petroleu) financien el SIL. Por estes razones fueron espulsaos d'Ecuador en 1980. Tamién nos 80 fueron espulsaos de Brasil, Méxicu y Panamá, y la so presencia foi acutada en Colombia y Perú.Cleary, Edward L., and Timothy J. Steigenga: Resurgent Voice in Latin America: Indigenous Peoples, Political Mobilization, and Religious Change (Rutgers University Press 2004), ISBN 0-8135-3461-5.
En Colombia, depués del asesinatu de dellos de los sos misioneros, fueron forzaos a salir.
Código SIL SIL tien rexistraes y catalogaes col so códigu unes 7.000 llingües. Algunos exemplos del códigu SIL:
CHN Chinu mandarín DUT Neerlandés ENG Inglés FRN Francés SWD Suecu
Referencies
Enllaces esternos SIL International Base de datos Ethnologue Llista completa de códigos SIL Entrevista: La espulsión del SIL d'Ecuador
Categoría:Organizaciones non gubernamentales Categoría:Asociaciones de llingüística Categoría:Organizaciones cristianes Categoría:Organizaciones non gubernamentales d'Estaos Xuníos Categoría:Discutinios rellacionaos col cristianismu Categoría:Misiones Categoría:Ganadores del Premiu Ramón Magsaysay