Una consonante velar ye un tipu de consonante que'l so puntu d'articulación o pasu más estrechu de la corriente del aire avérase o toca la zona trasera del cielu la boca o velo.
Yá que la rexón velar de la parte cimera de la boca ye relativamente estensa y los movimientos del dorsum nun son bien precisos, les velares fácilmente sufren asimilación fonética, moviendo'l so puntu d'articulación tras o alantre dependiendo del trimbre de les vocales axacentes. Frecuentemente les velares sufren cambeos fonéticos adelantrándose parcial o totalmente covirtiéndose nuna palatalizada o palatal ante vocal anteriores o palatales. Les vocales posteriores tienden dacuando a atrasar les velares.
Munches llingües presenten llabialización na articulación de les velares, tal como asocede na consonante coarticulada , na que l'articulación velar ye acompañada por un redondeamiento de los llabios, estes consonantes son labiovelares. Tamién esiste consonantes doblemente articulaes como les consonantes llabial-velares, que presenten una doble articulación como asocede nel soníu frecuente en munches llingües d'África Occidental.
Procesos fonolóxicos Ente les llingües del mundu'l cambéu fonéticu más frecuente qu'esperimenten les consonantes velares ye la palatalización ante vocal anterior o palatal. Esi cambéu ye por casu l'orixe del fonema /θ/ (/s/ nel español d'América). Sicasí, el fonema /x/ del español ye en gran parte'l resultáu d'una despalatalización de los antiguos fonema /š, ž/ [], que de la mesma veníen de palatalizaciones varies de les consonantes llatines /k, g/.
Referencies
Enllaces esternos
Velar