L'Academia de la Llingua Mixteca (en mixteco Ve'y El to'un Sávi, Casa de la Llingua de l'Agua) ye una asociación civil fundada nel añu de 1997 por un grupu d'activistes indíxenes pertenecientes a la etnia mixteca, col propósitu de promover l'usu de la so llingua madre (l'idioma mixteco) y crear mecanismos que dexen el so caltenimientu. Tien la so sede na Heroica Ciudá de Tlaxiaco, nel corazón de la Mixteca Alta oaxaqueña.
Obra Dende 1990 trabayó nel diseñu y estandarización del alfabetu que s'emplega na educación en llingua mixteca de los neños nativos d'esa etnia (Ndusu El to’un Savi), collaborando inclusive cola Secretaría d'Educación Pública.
Tamién hai promovíu alcuentros d'escritores indíxenes y caltién llazos de cooperación con diverses organizaciones en Méxicu, Estaos Xuníos y otres partes del mundu, tal ye'l casu del Frente Indíxena d'Organizaciones Binacionales (FIOB), que tien una estación que tresmite dende California programación en llingua mixteca.
En 2012, l'Academia presentó un llibru de la llingua mixteca en Xayacatlán de Bravo, Puebla.
Bibliografía Baldauf, Richard B. y Kaplan, Robert B. (eds, 2007) Language planning and policy in Latin America, vol. 1. Multilingual Matters. p. 149.
Referencies
Categoría:Llingües mixteques Mixtecu Categoría:Academies de Méxicu Categoría:Cultura del estáu d'Oaxaca Categoría:Organizaciones fundaes en 1997