Kabardia-Balkaria (en rusu: Кабардино-Балкарская Республика, tr.: Kabardino-Balkárskaya Respúblika; en kabardino: Къэбэрдей-Балъкъэр Республикэ; en balkario: Къабарты-Малкъар Республика) o Kabardino-Balkaria (Кабардино-Балкария, tr.: Kabardino-Balkáriya) ye una de les ventiún repúbliques que, xunto colos cuarenta y siete óblast, nueve krais, cuatro distritos autónomos y dos ciudaes federales, conformen los ochenta y tres suxetos federales de Rusia. La so capital ye Nálchik. Ta allugada nel distritu Cáucasu Norte llindando al norte con Stávropol, al este con Osetia del Norte-Alania, al sur con Xeorxa y al oeste con Karacháyevo-Cherkesia.
Xeografía La república ta asitiada al norte de los montes d'El Cáucasu, con altores de 5.000 metros. Equí asítiase'l volcán Elbrús na zona suroeste cola frontera de Karacháyevo-Cherkesia. La rexón dispónse en redol al monte y a los valles colindantes, que s'alcen a un altor de 2000 metros sobre'l nivel del mar. De los visos nevaos nacen los ríos y la so superficie supera 12.500 quilómetros cuadraos, lo que fai a la república de les más pequeñes de Rusia.
Fronteres: interna: Krai de Stávropol (N/NE), República d'Osetia del Norte-Alania (E/SE/S), República de Karacháyevo-Cherkesia (O/NO) internacional: Xeorxa (S/SO) Puntu más altu: Monte Elbrús (5.642 m) Máxima distancia N->S: 167 km Máxima distancia E->O: 123 km
left|75px
Zona horaria Kabardia-Balkaria ta asitiada na zona horaria de Moscú (MSK/MSD). UTC offset is +0300 (MSK)/+0400 (MSD).
Ríos Los ríos más grandes son: Ríu Térek (623 km) Ríu Malka (216 km) Ríu Cherek (131 km) Ríu Cheguem (102 km) Ríu Argudán Ríu Baksán Ríu Kurkuzhín Ríu Leskén Ríu Uruj
Llagos thumb|300px|Mapa detalláu de Kabardia-Balkaria. Hai aproximadamente cien lagos na república, nengunu d'ellos grande. Daqué más de la metá (cincuenta y cinco) tán asitiaos ente los ríos Baksán y Malka, el mayor con una superficie de non más de 0,01 km². Dalgunos de los llagos son: Llagu Tserikkel (área: 26.000 m²; fondura: 368 m) Llagu Goluboye inferior Llagu Kel-Ketchén (fondura: 177 m) Llagu Goluboye superior (fondura: 18 m) Llagu Sekrétnoye Llagu Tambukán (área: 1,77 km²; fondura: 1,5 a 2 m), parcialmente dientro del krai de Stavropol.
Política El xefe del gobiernu en Kabardino-Balkaria ye'l Presidente. El presidente actual ye Yuri Kókov, qu'ostenta'l cargu dende 2014.
El parllamentu de la República ye l'Asamblea llexislativa, formada por dos cámares —caúna con 36 diputaos escoyíos pa un mandatu de cinco años—, el Conseyu de la República y el Conseyu de Representantes.
La Constitución de Kabardino-Balkaria foi adoptada'l 1 de setiembre de 1997.
Referencies
Enllaces esternos La Wikipedia en cabardiano ye una versión de Wikipedia nun idioma que se fala nesta república rusa. Puedes visitala y contribuyir nella.<noinclude> La Wikipedia en karachái-bálkaro ye una versión de Wikipedia nun idioma que se fala nesta república rusa. Puedes visitala y contribuyir nella.<noinclude>
Sitiu web oficial de la República de Kabardino-Balkaria (en rusu).
Kabardia-Balkaria Categoría:Wikipedia:Páxines con enllaces interllingüísticos