El Regionalista Astur, subtituláu como Semanario Autonomista Regional, foi un periódicu que s'editó en Xixón en 1919, de tendencia derechista, y tuvo dirixíu por Fabriciano González (Fabricio) y como alministrador a Alejandro García.
El primer númberu asoleyóse'l martes 11 de febreru de 1919 y a partir d'esi momentu diben collaborar nel periódicu los nomes más importantes del asturianismu lliterariu de la dómina: Pachín de Melás, Pepín de Pría, Pachu'l Péritu o'l propiu Fabricio.
Nel periódicu alternábense informaciones y collaboraciones lliteraries en llingua asturiana y castellana. Contaba igualmente con una estaya publicitaria.
Bibliografía El Regionalista Astur. Edición fascimilar de los númberos 1 al 14 del periodicu asoleyáu en Xixón en 1919 dirixíu por Fabriciano González "Fabricio". Academia de la Llingua Asturiana, Uviéu, 2001. Parte de la coleición Llibrería Fascimilar de l'ALLA.
Referencies
Enllaces esternos
Regionalista Astur, El Categoría:Rexonalismu asturianu Categoría:Periódicos n'asturianu