Lisa Randall ye una física teórica d'Estaos Xuníos, especializada na física de partícules y cosmoloxía. Trabayó en dellos de los modelos de teoría de cuerdes que traten d'esplicar el funcionamientu íntimu del universu. La so contribución más conocida nesti campu ye'l modelu de Randall-Sundrum o modelu RS publicáu en 1999 xunto con Raman Sundrum. Foi la primer muyer n'ocupar un puestu nel departamentu de física de la Universidá de Princeton y la primer muyer Física Teórica nel MIT y na Universidá de Harvard.
Educación Nacida nel barriu de Queens en Nueva York, consiguió'l primer premiu nel concursu de talentos científicos Westinghouse de 1980, a la edá de 18 años. Llicenciada (BA) en Harvard en 1983 y doctorada en física de partícules en 1987 so la direición de Howard Georgi. Entró a formar parte de l'Academia Americana d'Artes y Ciencies en 2004. Foi nomada pola revista Newsweek nel númberu "Who's next" de xineru de 2006 como "una de les más prometedores físiques teóriques de la so xeneración"
Trabayu En 2010, Lisa Randall investiga sobre física de partícules y cosmoloxía na Universidá de Harvard, onde trabaya como profesora de física teórica. La so investigación se focaliza nes partícules elementales y les fuercies fundamentales, incluyendo una variedá de modelos que suponen espacios con delles dimensiones adicionales, siendo'l más conocíu'l modelu de Randall-Sundrum. Tamién trabayó en campos como la supersimetría, el modelu estándar, la inflación cósmica o la relatividá xeneral. El so llibru "Warped Passages", subtituláu: "Desentrañando los misterios de les dimensiones ocultes del universu" foi incluyíu na llista de los 100 llibros más notables del añu 2005 pol New York Times.
En llogrando'l so doctoráu en Harvard, exerció como profesora nel MIT y na Universidá de Princeton antes de volver a Harvard en 2001.
Reconocencies
En 2003 recibió'l Premiu Caterina Tomassoni y Felice Pietro Chiesesi de la Universidá de Roma. Mientres 2004 foi la físca teórica más citada de los cinco años anteriores. En 2006 recibió'l Premiu Klopsted de l'Asociación Americana de Profesores de Física (AAPT). En 2007 foi nomada pola Revista Time como una de les 100 Persones Más Influyentes na seición "Científicos y Pensadores".Rawe, Julie. "Time 100." Time Magazine May 14, 2007: 108.
Bibliografía
Universos ocultos: Un viaxe a les dimensiones extras del cosmos. Editorial Cantil, 2011. ISBN 978-84-15277-38-5 El descubrimientu del Higgs. Editorial Cantil, 2012. ISBN 978-84-15689-16-4 Llamando a les puertes del cielu. Editorial Cantil, 2013. ISBN 978-84-15689-91-1 La materia escuro y los dinosaurios: La sorprendente interconectividad del universu. Editorial Cantil, 2016. ISBN 978-84-16748-11-2 Ver tamién Modelu de Randall-Sundrum
Referencies
Enllaces esternos
La so páxina web na Universidá de Harvard
Entrevista n'Espansión por Benjamín G. Rosado, 2017 Entrevista n'inglés
Categoría:Físicos teóricos Categoría:Físicos y físiques d'Estaos Xuníos