Casu ye un conceyu d'Asturies. Llenda al norte con Piloña, al sur colos conceyos de Maraña y Puebla de Lillo, yá na provincia de Lleón, al este con Ponga y al oeste con Ayer y Sobrescobiu.
En 2008 ganó'l I Premio a la Sostenibilidad Local CONAMA 9 pa entidades menores de 20.000 habitantes col proyeutu Recuperación y mantenimiento de majadas, una apuesta por la sostenibilidad.
Xeografía Xeográficamente, nesti conceyu destácase la inclusión de tol so territoriu nel Parque Natural de Redes, y ye la tierra aú ñaz el ríu Nalón, nel Puertu Tarna. Los principales afluentes del Nalón nesti conceyu son el Monesteriu, l'Ablanosa, l'Orllé, el Pendones y el Corralín.
Ente los sos montes sobresalen el Picu Torres (2104 metros), La Rapaína (2022 m), La Peña'l Vientu (2007 m), La Rapaona (1957 m), El Tiatordos (1951 m), El Cantu l'Osu (1800 m) y cordales de gran belleza, como'l Cuetu Negru (1852 m), y el Visu la Grande de (1709 m).
Tamién hai más d'8000 hectárees dedicaes a praos. Tien una población cercana a los dos mil habitantes, falantes de castellanu y d'asturianu. Dende 1997 y en virtú d'un alcuerdu municipal soscritu por tolos partíos políticos con representación na casa'l conceyu, el castellanu y l'asturianu son llingües cooficiales nel conceyu.
Nel cordal que separta'l conceyu de Llión, alcuéntrense los mayores montes. El pasu faise pel Puertu de Tarna a 1.490m. El conceyu tien una superficie de 307,94 km².
Fauna
El parque de Redes conserva la mayor biodiversidá vertebrada d'Asturies. Catalogáronse cincuenta especies de mamíferos, cientu trenta d'aves, diez d'anfibios, diez de reptiles y cuatro de peces.
Flora
Posee una gran estensión de viesques, con más de 13 000 hectárees, nes que destaquen les fayes, los castaños, los carbayos y los rebollos.
Parroquies
Política Nel Conceyu Casu, dende 1979, el partíu que más tiempu gobernó foi'l PCE/IX. L'actual alcalde ye Miguel Ángel Fernández, del PSOE.
Eleiciones municipalesPartíu1987199119951999200320072011Eleiciones Llocales 20112015PSOE 3 4 4 2 2 1 3 4IX-BA 3 3 3 3 3 4 2 3PP 5 4 4 6 4 4 2 2FAC 2 0Total111111119999
Demografía Población del conceyu de Casu Fuente: INE La durez del so mediu montés y la escasez de recursos, xunto cola cercanía a les cuenques mineres, fueron los factores que provocaron la emigración. En sesenta años perdió más de 4.000 habitantes, esto tamién ye causao pola falta de nacimientos.
La emigración tuvo diferentes fases. La primera dirixóse a América (Cuba y Arxentina principalmente). A finales del sieglu XX l'éxodu foi masivu, pero esta vegada hacia les zones industriales d'Asturies: la cuenca minera y Xixón.
Economía La mayoría los casinos dedíquense al campu (ganadería más que nada). Nestos últimos años, especialmente dende la creación del Parque Natural de Redes, ta espoxigando'l sector del turismu rural. La xoya de la gastronomía llocal ye'l quesu casín, qu'amás de ser DOP tien el reconocimientu de ser el quesu más vieyu n'Asturies, con rexistros dende'l sieglu XIV.
+Emplegaos nos diversos sectores económicos (añu 2024)Númberu de trabayadoresTantu por cientuTOTAL302100Agricultura, ganadería y pesca10334,11Industria134,30Construcción227,28Servicios16454,30* Datos tomaos del Anuariu Estadísticu d'Asturies 2024, SADEI
+Usos del suelu del conceyu (añu 2014)UsuSuperficie (km²)Tierres de llabrantíu0,22Praderíes67,77Terrenu forestal211,67Otres superficies47,76* Datos tomaos del Anuariu Estadísticu d'Asturies 2015, SADEI
+Carauterístiques del sector primariu (añu 2015)Ganaderíes de bovín175Cabeces de ganáu bovín5.633Cabeces de ganáu ovín416Cabeces de ganáu cabrín173Ganaderos con cuota llechera0Quilos de cuota llechera0Metros cúbicos de madera valtao 70* Datos tomaos del Anuariu Estadísticu d'Asturies 2015, SADEI
Ver tamién Parque Natural de Redes
Referencies
Enllaces esternos Páxina del Ayuntamientu Federación Asturiana de Conceyos