Wisigarda de Lombardía (510 - 540) o Wisigardis, foi una reina franca del sieglu VI.
La vida de Wisigarda ye llixeramente mentada por Gregorio de Tours na so Historia Francorum. Ella yera fía de Waccho, rei de los Lombardos, y creció na rexón media del Danubiu. Dempués d'un anormalmente llargu periodu de compromisu que duró siete años, Wisigarda casóse con Teodeberto I, rei merovinxu d'Austrasia. Alredor del añu 531, Teodorico I, padre de Teodeberto, entamara'l compromisu por razones polítiques. Pero, por cuenta de un matrimoniu que Teodeberto caltuvo con una muyer romana llamada Deuteria, el compromisu con Wisigarda rompióse. Nuevamente por razones polítiques, Teodeberto abandonó a Deuteria y, finalmente, casóse con Wisigarda ente los años 537 y 538. Poco dempués de la so boda, ella finó.
Sepultura na Catedral de Colonia
Nel añu 1959, una tumba bien ricamente afatada d'una muyer franca foi afayada por Otto Doppelfeld na Catedral de Colonia. La muyer fuera soterrada con pervalibles xoyes y con un traxe tradicional que lu identificaba como una princesa lombarda. Basándose na datación y la decoración de la tumba, Doppelfeld, entós direutor del Muséu Romanu-Xermánicu, identificó a la muyer muerta como Wisigarda. Sicasí, la interpretación nun ta probada por una inscripción o otres fontes.
Referencies
Categoría:Persones de Lombardía Categoría:Dinastía merovinxa Categoría:Reines consortes franques Categoría:Wikipedia:Mantenimientu:Persones ensin plantía nym