X-Men son un grupu de superhéroes del Universu Marvel, creáu por Stan Lee y Jack Kirby. Apaecieron per primer vegada en setiembre de 1963, nes páxines del cómic (The Uncanny) X-Men # 1.Uncanny X-men # 1 (Vol 1)
Les sos aventures foron espublizaes en diversos cómics de Marvel Comics, llegando a esfrutar munches coleiciones mensuales dedicaes a ellos. Amás, realizáronse delles adautaciones en películes, series d'animación y otres obres derivaes.
La serie entama de la idea de que la evolución humana siguiría activa, atopándose de fechu ante una encruciada na que naz una nueva especie con una estructura xenética que-yos dota de grandes poderes y capacidaes, los mutantes.
El tema principal nes sos hestories ye l'enfotu por llograr el nomáu suañu de Xavier: la integración de los mutantes nuna sociedá humana que-yos tarrez y, qu'al empar, precisa la so proteición. Poro, Charles Xavier (llamáu "Professor X" o, a cencielles, "el profesor") decide reclutar un grupu de mozos mutantes y deprende-yos a usar los sos poderes, cola doble fin de protexer los homes de mutantes malvaos y defender los mutantes del mieu de los homes. Pela contra, otros grupos de mutantes busquen remontase violentamente contra la humanidá, y el principal d'ellos ye Magneto, el mayor enemigu del grupu.
La serie empecipia cola primer apaición pública del nuevu grupu, que col pasu de los años va camudando los miembros, ampliándose, produciendo numberoses series derivaes y aportando una de les exes del Universu Marvel fasta anguaño.
Trayeutoria editorial
Nome Dempués d'establecer los fundamentos de la serie, Stan Lee propunxo que, tantu los héroes como los villanos, seríen mutantes. La serie llamáríase The Mutants (Los Mutantes), pero esi nome foi refugáu pol editor Martin Goodman, quien consideraba que los llectores más nuevos nun sabríen qué yera un mutante. Buscando otru nome, Stan Lee pensó en llamalos "X-Men" (Homes-X), y el profesor sería "Professor-X" (escogiendo "Xavier" por ser un nome qu'empecipiara con tala lletra). A Goodman sí-y paeció bien esti nome.Comiqueando #1 - Suplementu X-Men (1994)
Series La serie orixinal, The X-Men (depués espublizada col nome Uncanny X-Men) apaeció en setiembre de 1963, como una analoxía de la tensión racial que se vivía nos Estaos Xuníos na dómina, siendo los cabezaleros de la raza mutante, Magneto, y el Profesor Xavier (aludiendo a los líderes afroamericanos Martin Luther King y el yá mentáu Malcolm X). El primer grupu nun consiguió espertar l'interés del públicu y cancelaron la serie a principios de los 70.
En 1975 l'equipu ye rellanzáu con cambeos importantes. La serie tuvo a cargu del guionista Len Wein (que solo duró un númberu) y Chris Claremont (que lo sustituyiría). Uncanny X-Men convirtióse nún de los cómics de superhéroes de mayor ésitu, impulsando montonaos d'otros títulos y les carreres de los artistes y guionistes que trabayaben nél. X-Men caltúvose dende entós como unu de los sellos distintivos de la compañía Marvel Comics.
A principios de los años ochenta, X-Men yera'l títulu de cómics más vendíu de Marvel. Les sos ventes fueron tales que los distribuyidores y los minoristes entamaron a usar un "índiz de X-Men", calificando cada espublizamientu de cómics pola cantidá de pidíos que llograba en comparanza a la edición d'esi mes de X-Men. La sonadía creciente de Uncanny X-Men y l'apaición de tiendes especializaes en cómics llevó a la introducción d'una mano de spin-offs durables, col nomatu X-Books. El primeru d'ellos foi The New Mutants, siguíu por Alpha Flight, X-Factor, Excalibur y Wolverine. Cuando Claremont concibió la idea de la hestoria conocida como "Mutant Massacre" (Matancia Mutante), que yera demasiáu llarga pa espublizase de manera mensual dientro de les páxines de X-Men, la editora Louise Simonson decidió que la hestoria se superpunxera colos demás X-Books. La hestoria foi un ésitu financieru importante, y l'andecha de comercialización declaró qu'estos crossovers nes hestories de X-Men se faríen añalmente.
En 1991 creóse un deriváu, tituláu The X-Men (a seques). The Uncanny X-Men y The X-Men narraben hestories xeneralmente entemeciendo a los dos equipos de X-Men esistentes nesi momentu (l'azul y el doráu). Cola llegada del afamáu guionista Grant Morrison, de 2001 a 2004 la serie The X-Men foi renomada New X-Men. A partir de 2002 tolos títulos de les coleiciones retiraron l'artículu The de los sos títulos.
Dacuando, esistieron dellos otros títulos alternativos como X-Treme X-Men o Astonishing X-Men, anque la so duración foi relativamente curtia.
Esistieron munches otres series regulares rellacionaes, les nomaes X-Books de les que destaquen: New Mutants (1983-1990, 2003-2004, 2009-2012, 2020-): Nun entamu una versión xuvenil de los X-Men. La primera etapa finó cola creación d'otru grupu, X-Force.
X-Factor (1986-1998, 2002, 2006-2013, 2014-2015, 2020-): Nome qu'usaron los X-Men fundadores en volviendo axuntase, anque la formación cambió dafechu años depués. De mano foi un grupu gubernamental de mutantes, dempués una axencia privada de detectives.
Excalibur (1988-1998, 2001, 2004-2005, 2019-): Grupu británicu de mayoría mutante (dalgunos d'ellos antiguos X-Men).
X-Force (1990-2002, 2004-2005, 2008-2010, 2014-2015, 2019, 2020-): Organización mutante paramilitar con un enfoque más agresivu. La so primer encarnación encabezóla Cable, y nació de los restos de New Mutants.
Generation-X (1994-2001, 2017-2018): Tercer xeneración xuvenil mutante de la escuela de Xavier. La serie foi un intentu de realizar un híbridu ente los cómics de mutantes Marvel, con series televisives pá la mocedá (como Beverly Hills, 90210). Va poco tornó'l títulu brevemente p'amosar una quinta xeneración.
New X-Men (2003-2008) (antes New Mutants o New X-Men: Academy-X), protagonizada pola cuarta xeneración d'estudiantes adolescentes del Institutu Xavier.
Diversos X-Men llograron amás les sos propies series. Dalgunes de les más duraderes fueron: Wolverine Cable Gambit Deadpool
Tamién esistieron numberoses series llindaes, especiales o tomos ayenos a la cronoloxía de la serie principal.
Autores destacaos El creadores de The X-Men foron Stan Lee y Jack Kirby. El primer númberu de The X-Men púnxose a la venta en setiembre de 1963. Stan Lee permaneció al mandu de la coleición hasta'l númberu 19, dando-y el relevu a Roy Thomas, y Jack Kirby fasta'l númberu 18. Na estaya artística, tres la partida de Jack Kirby, trabayaron na serie Don Heck y Neal Adams, que marcaría'l final d'esta dómina. Contrariamente a los deseos de Thomas, Stan Lee obligó-y a que Banshee fora un home, y que Mímicu nun se sumara como nuevu miembru estable del grupu.L'episodiu sobro'l sexu de Banshee nun foi l'únicu nel que la opinión de Thomas viose supeditada a la del editor, Stan Lee. El nuevu guionista tamién vio torgada la propuesta de crear un mutante xaponés, del que los pás tuvieren en Hiroshima o en Nagasaki - Comiqueando 5 (1994)
Sicasí l'autor más importante de los X-Men foi Chris Claremont, qu'empecipió colos guiones de The Uncanny X-Men # 94 (1975) y finó nel # 280 (1991) ensin posa. La gran virtú d'esti guionista foi dotar estos personaxes d'una humanidá que nunca enantes se vio nel mundu del cómic americanu. La popularidá de los mutantes anguaño débese a les bases qu'encimentó Claremont. Poco dempués del aniciu d'esta dómina, al dibuxante Dave Cockrum sustituyólu'l canadianu John Byrne, que xunto con Claremont llevaría al grupu al mayores nivel de popularidá. Ye nesta etapa cuando tien llugar la nacencia de Phoenix (evolución del personaxe de Jean Grey), unu de los momentos más recordaos de la dómina de Claremont, y que representa l'espoxigue de los X-Men como fonte de desenvolvimientu de asuntos y hestories, arreciando la so importancia dientro de la editorial.
En marchando Byrne de la coleición, adúnvienlu otros dibuxantes d'ente los que destaquen Dave Cockrum (que yá la dibuxara enantes), Paul Smith, John Romita Jr. y Marc Silvestri, fasta la llegada de Jim Lee na dómina final de Claremont. En marchando Claremont desdoblóse la coleición cola nueva serie The X-Men (a seques), dixebrándose'l grupu en dos andeches.
De los artistes contemporáneos podemos destacar a Alan Davis y Grant Morrison, asina como la vuelta de Chris Claremont a estos títulos tres nueve años.
Una nueva dómina entama pa los X-Men na primer década del sieglu XXI, con tres espublizamientos distintos: X-Treme X-Men (Chris Claremont/Salvador Larroca), Uncanny X-Men y el títulu X-Men rebautizado como New X-Men (con Grant Morrison de mandu).
Nel 2006 la editorial, Marvel Comics, punxo como referentes creativos a Ed Brubaker en Uncanny X-Men y a Mike Carey en X-Men, pero'l nuevu referente ye una tercer coleición, Astonishing X-Men, apaecida nel 2004 y guionizada de mano por Joss Whedon, y llueu por Warren Ellis fasta 2010.
Semeyances La versión orixinal de X-Men guarda grandes semeyances con Doom Patrol, una serie de DC Comics estrenada tres meses enantes. Dambes traten sobre un grupu de super héroes refugaos pola sociedá (un enfoque menos frecuente na dómina que na actualidá) y son encabezaos por un home de gran intelixencia en siella de ruedes (Charles Xavier y Niles Caulder, respeutivamente). Esto llevó al creador de Doom Patrol, Arnold Drake, a acusar a Stan Lee de roba-y la idea.Entrevista en Newsarama (n'inglés)
Historia ficticia
Los X-Men orixinales (1963-1972) La primer apaición del grupu produzse en Uncanny X-Men # 1, en setiembre de 1963.The Top 25 X-Men IGN.com. Aportáu'l 19/1/2011. Al decatase del surdimientu masivu de mutantes per tol mundu dempués de la Segunda Guerra Mundial, y del refugu y la medrana que xeneraben na humanidá, el Profesor Charles Xavier un mutante con grandes poderes telepáticos, decidió invertir parte de la so fortuna en convertir la so vieya casona d'estilu victorianu, allugada nel pueblu de Westchester, Nueva York, nuna escuela pa entrenar mozos mutantes nel usu de los sos poderes. Xavier sabía perbién que parte del refugu de la humanidá escontra los mutantes venía de la medrana que causen mutantes inespertos de la qu'usen los sos poderes, polo qu'inaugura asina la Escuela Xavier pa Mozos Dotaos, una institución con reconocencia académica oficial como institutu de secundaria. Pero, de callao, Xavier fórnela dafechu como un centru d'entrenamientu de primer nivel pa mutantes. L'oxetivu de Xavier ye que los sos alumnos conformen un equipu de superhéroes mutantes. Él crei qu'ayudando a homes y mutantes al empar con un equipu superheroicu (pol estilu de los Fantastic Four o los Avengers), ayudará a los mutantes a ganar el respetu y la reconocencia de los homes. L'equipu orixinal foi conformáu por cinco mutantes adolescentes: Cyclops, Iceman, Beast (Bestia), Angel y Marvel Girl. Na so primer misión, los X-Men enfrénten un vieyu amigu del Profesor Xavier, el mutante Magneto, "l'Amu del Magnetismu", qu'a partir d'entós va convertise nel so antagonista por antonomasia.
Nuna de les sos primeres misiones los X-Men tuvieron a puntu de reclutar a un adultu a les sos files, el mutante Blob. Más palantre enfrénten tamién la Brotherhood of Evil Mutants (Hermandá de Mutantes Malvaos), la respuesta de Magnetu a los X-Men de Xavier. Ente delles de les primeres amenaces a les que s'enfrenten los X-Men ye'l imparable Juggernaut, malváu hermanascu de Professor-X; visiten tamién per primer vegada The Savage Land, una xungla prehistórica escondida en L'Antártida. Otros de los sos primeros enemigos foron los Sentinels, escomanaos robós cazadores de mutantes, creaos pol científicu Bolivar Trask. Tamién combatieron al superequipu de villanos conocíu como'l Factor-Tres. Poco dempués de la conformanza, los X-Men aceutaron nes sos files a un nuevu integrante, el mutante conocíu como Mimic. Sicasí, poco dempués de xunise al grupu, Mimic sufrió un accidente que lu caltuvo incapacitado per dellos años.