American Graffiti ye una película de 1973 dirixida por George Lucas y producida por Francis Ford Coppola. Ambientada en Modesto, California, trata sobre un grupu d'adolescentes y les sos vivencies la última nueche del últimu branu de la so mocedá, en 1962. A la mañana siguiente, van empezar toos el camín escontra'l so futuru: viaxando escontra alloñaes universidaes, o permaneciendo nel pueblu pa buscar un oficiu.
Hai de solliñar d'ella'l reflexu de la mocedá norteamericana a principios de los 60, y la banda sonora apinada de los grandes ésitos del rock de los 50, ente los qu'atopamos a Buddy Holly, Bill Haley & His Comets, The Platters, etc.
Comentarios
La película ganó dos Globos d'Oru en 1974 a la meyor película musical o comedia y al meyor actor revelación (Paul -y Mat). Tamién llogró cinco nominaciones a los Premiu Óscar: a la meyor película, al meyor direutor, a la meyor actriz de repartu (Candy Clark), al meyor guión orixinal, y al meyor montaxe.
Argumentu
Cinco adolescentes celebren mientres tola nueche la so despidida, yá qu'a otru día cada unu va colar en busca del so futuru. Atopamos con una historia d'amor qu'amenacia con rompese pol peligru de la distancia, un amor imposible y platónico con bandes caleyeres, carreres de coches, y un llocutor de radio convertíu en lleenda urbana. Les hestories de cada unu de los cinco protagonistes cúntense cuasi independientemente de les demás, a pesar de qu'en momentos puntuales toes elles interrellaciónense de dalguna manera. La película inspiró a otres tantes, ente elles Grease y Nataly.
John Milner
Quiciabes el personaxe más carismáticu del filme representa'l clásicu estereotipu de mozu duru de los años 50 a lo Rebel Without a Cause. Ve con pasividá cómo los sos conxéneres colen a la universidá y los tiempos camuden. Tres la muerte de Buddy Holly, el rock and roll yá nun ye lo mesmo y los 50 toquen al so fin. Mientres, él queda fondiáu nel so pequeñu pueblu como una vieya lleenda local, forxada de carreres illegales de coches trucaos. Finalmente tolos mozos entamen caminos distintos y él muerre atropelláu por un conductor borrachu. Esti personaxe inspiró un cantar del cantante español Loquillo col so nome como títulu.
Repartu Richard Dreyfuss: Curt Henderson Ron Howard: Steve Bolander Paul -y Mat: John Milner Charles Martin Smith: Terry "The Toad" Fields Cindy Williams: Laurie Henderson Candy Clark: Debbie Dunham Mackenzie Phillips: Carol Morrison Wolfman Jack: él mesmu, un disc jockey de XERB Bo Hopkins: Joe Young Manuel Padilla, Jr.: Carlos Beau Gentry: Ants Harrison Ford: Bob Falfa Jim Bohan: Oficial Holstein Jana Bellan: Budda Deby Celiz: Wendy Lynne Marie Stewart: Bobbie Tucker Terry McGovern: Mr. Wolfe Kathleen Quinlan: Peg Scott Beach: Mr. Gordon John Brent: Vendedor de carros Del Close: Tipu nel chigre *Johnny Weissmuller, Jr.: Badass #1 Susan Richardson: Judy Kay Lenz: Jane Joe Spano: Vic Debralee Scott: Novia de Falfa Suzanne Somers: "La Rubia" del T-Bird Flash Cadillac & the Continental Kids: Herbie and the Heartbeats
Premiu Óscar 1973 Añu Categoría Película Resultáu1973Meyor película1973Meyor direutor George Lucas 1973Meyor actriz de repartu Candy Clark 1973Meyor guión orixinal' || George Lucas Gloria Katz Willard Huyck || |- |1973||Meyor montaxe|| Verna Fields Marcia Lucas''
Referencies
Enllaces esternos
Guión de la película. Testu inglés.
Categoría:Películes dramátiques d'Estaos Xuníos Categoría:Películes ganadores del Globu d'Oru a la meyor película de comedia o musical