La República de Biac-na-Bató (en tagalu: Repúbliká ng Biak-na-Bató), referida oficialmente na so Constitución como República de les Filipines, foi la primera república proclamada en Filipines pol líder independentista Emilio Aguinaldo y los sos siguidores del Katipunan. Magar los sos llogros, como la primer Carta Magna de la historia del país, la república apenes tuvo un mes d'esistencia. Biac-na-Bató quedó eslleida tres la firma de la paz ente'l Katipunan y el gobernador español, Fernando Primo de Rivera, que se remató col exiliu d'Aguinaldo en Ḥong Kong.
Proclamada'l 1 de payares de 1897, la República de Biac-na-Bató foi eslleida'l 15 d'avientu d'esi mesmu añu, 45 díes dempués.
Gobiernu
La Constitución de Biac-na-Bató foi redactada por Félix Ferrer y Isabelo Artacho, inspirándose casi vierbu a vierbu na Constitución cubana de Jimaguayú. Nella proponía la creación d'un Conseyu Supremu, que funcionaría a manera de gobiernu provisional del país. Esti Conseyu foi creáu'l 2 de payares de 1897, colos siguientes miembros escoyíos:
Puestu Nome Presidente Emilio Aguinaldo Vicepresidente Mariano Trías Secretariu d'Asuntos Esteriores Antonio Montenegro Secretariu de Guerra Emiliano Riego de Dios Secretariu d'Interior Isabelo Artacho Secretariu de l'Ayalga Baldomero Aguinaldo
Ver tamién Historia de Filipines Revolución filipina Emilio Aguinaldo
Referencies
Bibliografía
Biac-na-Bató Categoría:Historia de Filipines