El Mercáu d'El Fontán, antes conocíu como Mercáu del 19 d'ochobre, ye la principal plaza cubierta de la ciudá asturiana d'Uviéu Asítiase adosada a la Ilesia de San Isidoru.
Historia L'actual edificiu del mercáu foi construyíu ente 1882 y 1885 onde s'allugaba'l Colexu San Matías y foi diseñáu por Javier Aguirre. Recibe'l so actual nome de la Plaza d'El Fontán, al pie de esta, antiguu corral de comedies y llugar de celebración del tradicional mercáu. Anguaño la zona sigue allugando'l rastru dominical.
L'edificiu tien planta rectangular y otra nave que la amiesta al templu de San Isidoru. La so construcción correspondió cola arquiteutura industrial habitual de les places de mercáu de la dómina: vigues, celosías y cubrición en fierro. Práuticamente nun esiste muriu, destacando l'aspeutu de palaciu de cristal. En 1994 rehabilítase y créase la empresa Mercado de El Fontán SA, que s'encarga de la xestión del mercáu y el rastru. Nel so interior alluga numberosos puestos de productos frescos y locales hosteleros.
Nel so momentu convivió colos otros dos mercáu cubiertos d'Uviéu: el Mercáu d'El Progresu y el Mercáu d'El Pexe o Trascorrales.
Referencies
Enllaces esternos
Categoría:Edificios d'Uviéu Fontán