L'Estadiu de Honra del Centru Deportivu Nacional do Jamor, tamién conocíu como Estadiu Nacional de Portugal o Estadiu Nacional do Jamor constitúi un estadiu multiusos que ye'l principal estadiu de Portugal. Ta asitiáu en Oeiras, cerca de Lisboa. L'arquiteutu foi Manuel Jacobetty Rosa y les obres empezaron en 1939. L'estadiu foi inauguráu pol primer ministru António de Oliveira Salazar el 10 de xunu del 1944.
L'estadiu inclúi un campu de xuegu de hierba natural (usáu sobre too pa la práutica del fútbol), una pista d'atletismu, zones para saltos de llonxitú y valla pa carreres d'obstáculos. Anguaño tien una capacidá de 37,593 espectadores.www.fussballtempel.net
Construcción
La construcción d'esta nueva instalación nun buscaba solo la promoción de la práutica del deporte, sinón tamién la creación d'un espaciu pa demostraciones públiques inspiraes nos principios políticos vixentes. Por que l'ambición del antiguu ministru d'Obres Públiques, Duarte Pacheco, fora una realidá, fueron consultaos dellos arquiteutos, ente ellos, Francisco Caldeira Cabral, Konrad Wiesner, Jorge Segurado o Miguel Jacobetty Rosa. A esti postreru atribúyese-y la paternidá” del proyeutu del Estadiu d'Honra.
Influyíu por obres como'l Olympiastadion de Berlín, la construcción del Estádio Nacional rematóse'n cinco años - dende la planificación (1939), hasta la so construcción -, siendo, más tarde, insertáu nel Complexu Deportivu de Jamor, una auténtica islla verde nel Área Metropolitana de Lisboa y que la so situación ye cercana al Institutu Español de Lisboa.
Actividaes
Más tarde, en 1967, el Estádio Nacional foi escoyíu como sede pa la final de la Copa de Campeones d'Europa. El partíu xugóse ente'l Celtic Football Club d'Escocia y l'Internazionale de Milán. Los escoceses vencieron por 2-1, la primer Copa conquistada por un club non llatín.
Anguaño, l'estadiu acueye tolos años la final de la Copa de Portugal. Mientres el partíu, los asientos apinaos d'asistentes estrémemse'n dos zones pa sofitar al so respeutivu equipu.
En setiembre de 2017 allugó'l Portugal Padel Master, una prueba del circuitu World Padel Tour
Galeria
Partíos Memorables
Eurocopa 1960
Final de la Copa de Campeones de la UEFA 1967
Ver tamién Estadios de fútbol de Portugal
Referencies
Nacional do Jamor Categoría:Estadios de la final de la Lliga de Campeones de la UEFA Portugal