L'Allen County War Memorial Coliseum ye un pabellón multiusos asitiáu na ciudá de Fort Wayne, Indiana. Tien una capacidá pa 13.000 espectadores y foi inauguráu en 1952.
Historia Construyíu en 1952, el Allen County War Memorial Coliseum allugó a un bon númberu d'equipos profesionales y universitarios tanto de baloncestu, ḥoquei sobre xelu y fútbol indoor. Foi la sede de los Fort Wayne Pistons, agora conocíos como Detroit Pistons dende la so inauguración hasta , y nél celebró'l All-Star Game de la NBA 1953.basketball-reference.com 1953 NBA All-Star Game, consultáu en xunu de 2015
Anguaño ye la sede de los Fort Wayne Komets, equipu de les lligues menores de ḥoquei sobre xelu, les Fort Wayne Derby Girls, equipu de roller derby y los Fort Wayne Mad Ants de la NBA Development League, anque estos dos últimos equipos tán contemplando la posibilidá de camudar de pabellón.wane.com Mad Ants, Derby Girls excited about possible new arena , consultáu en xunu de 2015
Eventos
Eventos deportivos Amás del All-Star Game de 1953, nel War Memorial Coliseum xugáronse les Finales de la NBA de 1955 y 1956, y más apocayá les finales de la NBA D-League de 2014 y 2015, colos Fort Wayne Mad Ants como protagonistes. Tamién foi la sede de dellos eventos universitarios, como'l Tornéu de la Mid-Continent Conference ente 2000 y 2002, y la Final Four de voleibol masculín de la NCAA de 2000.
Conciertos y espectáculos Ye sede habitual de conciertos de too tipu de música, pasando pol so escenariu grupos como The Jackson 5 en 1971, The Rolling Stones en 1978, Iron Maiden y Kiss en 1983, Bon Jovi en 1984 y 1987, Tina Turner en 1985, Dr. Feelgood en 1990, Metallica en 1991 o Bob Dylan en 1994, ente otros.
Referencies
Enllaces esternos
Web oficial Visit Fort Wayne
Categoría:Pabellones de baloncestu d'Indiana Categoría:Pabellones de baloncestu de la NBA