La Super Bowl XVIII foi'l nome que se-y dio al partíu de fútbol americano que definió al campeón de la temporada 1983-84 de la NFL. El partíu apostóse'l 22 de xineru de 1984 nel estadiu Tampa Stadium de la ciudá de Tampa, Florida. Enfrentó al campeón de la NFC los Washington Redskins y al campeón de l'AFC Los Angeles Raiders. El títulu quedó en manes de Los Angeles Raiders quien vencieron por 38-9 y llograron el tercer títulu pa la franquicia, anque foi'l primer y únicu títulu de Super Bowl na ciudá de Los Angeles.
Mientres el descansu emitióse l'anunciu d'Apple presentando'l primera MAC, basáu na novela de George Orwell 1984, que foi un finxu na historia de la publicidá.
Resume del partíu Los Angeles Raiders tomaron ventaya nel primer cuartu de la Super Bowl XVIII, dempués de que Dan Jensen bloquiara un estene de Jeff Hayes, recuperara y llevara el balón hasta la zona d'anotación. Nel segundu cuartu Cliff Branch atrapó un pase de 12 yardes, llanzáu por Jim Plunkett, p'anotar y poner el xuegu 14-0. Los Redskins descontaríen con un gol de campu de 24 yardes de Mark Moseley, pero Jack Squirek interceptó un pase de Joe Theisman y en corriendo 5 yardes anotó pa "los angelinos". Nel tercer cuartu John Riggins con una carrera d'una yarda, en bloquiando una patada d'estene, averó a Washington. Pero Marcus Allen, con una corrida de 5 yardes primeru y con un acarretu de 74 yardes (nueva marca nun Super Bowl)liquidaría'l xuegu pa Los Angeles Raiders. Chris Bahr con un gol de campu de 21 yardes ponía el resultáu final de 38-9. El xugador más pervalible foi Marcus Allen que corrió 191 yardes en 20 acarretos lo que foi un récor nun Super Bowl.
Ver tamién Ganadores de la Super Bowl
Referencies
Enllaces esternos
Categoría:Super Bowl Categoría:Deporte en Florida Categoría:Deporte en 1984 Categoría:Estaos Xuníos en 1984