Les casadielles son un dulce típicu asturianu.
Carauterístiques Trátase d'una especie empanada ellaborada con una masa fariña trigu arumao con anís en xeneral, que s'enllena de nueces y/o ablanes, zucre y posteriormente fríese. Al sirvir espolvóriase la so superficie de zucre. Suel sirvise como postre.
La forma ye un turulu de 10 cm de llargor aproximadamente colos estremos zarraos pa que nun salga'l conteníu del so interior, anque hai variantes nes que la forma ye de media lluna.
Ellaboración Pártense les nueces y muélense. Mídese xícara y media de nuez molío y amiéstase-y media d'azucre y una copa anís; si se quier, pue amestase-y poner tamién daqué vinu blanco o coñac, o una poca mantega y dél miel en llugar d'azucre, como asina se preparaben antiguamente.Direuto al paladar, Casadielles, como faceles.
Prepárase la masa, arremexendo en una fonte la mantega partío en trozos, l'aceite, agua y vinu blanco, una cuyarina de sal y un chorrín de llimón o vinagre; mestúrase tou bien y va amestándose fariña mecío con una cuyar de lleldu hasta formar una pasta que nun s'apegue nes manes. Esta masa, lo mesmo que la fochada, trabayaráse la cuenta, pos trabayándola de más queda mazacudo.Casadielles, dulce tradicional asturianoCasadielles de Pola de Lena Casadielles de Cuna al Horno
Estírase la masa cola ayuda'l rollu enfarináu, dos o trés veces, y dempués dexase repeirar o descansar, nun llugar frescu o na nevera, per una hora. Pasáu'l tiempu, cúrtiense trozos d'esta pasta, estiéndese pa dexalo bien fino, y vanse enllenando, formando casadielles, zarrando bien los bordes pa que nun salga'l rellenu de nuez.
Darréu van fritándose n'aceite abondoso, pero non mui caliente, pa que la masa fría bien y nun quede cruo per dientro. Ya doraes, vanse colocando nun papel d'estraza pa qu'absuerba l'escesu aceite que puedan tener; de siguío, rebócense con azucre pasándoles a una fonte.
Ver tamién Gastronomía d'Asturies Cannoli - Pastel sicilianu de masa asemeyao pero de forma cilíndrica.
Referencies
Enllaces esternos
Categoría:Gastronomía d'Asturies