Giuliano Amato ye un profesor universitariu de Derechu Constitucional Comparáu y políticu italianu, presidente del Conseyu de Ministros d'Italia en dos causes, de xunu de 1992 a abril de 1993, y d'abril de 2000 a mayu de 2001. Na primer ocasión asocedió a Giulio Andreotti y foi asocedíu por Carlo Azeglio Ciampi. Na segunda, asocedió a Massimo d'Alema y foi asocedíu por Silvio Berlusconi. Amato foi'l Ministru del Interior del so país y miembru de la Cámara de Diputaos d'Italia sol gobiernu de Prodi. Tamién foi Ministru d'Asuntos Esteriores interín del so país, vice-primer ministru y ministru n'otres árees.
Foi vicepresidente de la Convención Europea.
Educación Estudió derechu na Universidá de Pisa, onde se graduó en 1960. Realizó un máster en Derechu comparáu na Facultá de Derechu de la Universidá de Columbia (Nueva York) en 1962.
Actividá académica Foi Profesor Titular de Derechu Constitucional Comparáu na Universidá de Roma, Escuela de Ciencies Polítiques, de 1975 a 1997. Foi caderalgu nes Universidaes de Módena, Perugia y Florencia. Anguaño ye profesor de Derechu Global na Facultá de Derechu de la Universidá de Nueva York y profesor a tiempu parcial nel Institutu Universitariu Européu en Florencia.
Publicaciones Escribió llibros y artículos sobre economía y les instituciones públiques, les llibertaes personales, el federalismu y el gobiernu comparativu. Ente les sos publicaciones más recién tán "Antitrust and the Bounds of Power", Hart Publishing, Oxford 1997, y "When the Economy is affected with a Public Interest", in F. Snyder (Ed.), "The Europeanisation of Law", Hart Publishing, Oxford 2000. Bibliografía
Referencies
Enllaces esternos
Giuliano Amato. Blogue personal Giuliano Amato . CV nel sitiu de la Convención Europea
Biografía por CIDOB (n'español) Giuliano Amato (inoffizielle Seite) n'Internet Archive
Categoría:Presidentes del Conseyu de Ministros d'Italia Categoría:Políticos y polítiques d'Italia Categoría:Xuristes d'Italia Categoría:Profesores de la Universidá de Modena Categoría:Profesores de Derechu d'Italia Categoría:Persones de Turín