Evan Goldberg ye un direutor, productor y guionista cinematográficu canadianu. Empezó la so carrera nel mundu del cine xunto al so amigu de la infancia Seth Rogen, col que produció y escribió numberoses películes y diverses series de televisión de gran prestíu internacional. Como direutor empezó en 2013 cola película This Is the End. El y Rogen, fueron nomaos en numberosos premios como los Premios Emmy, los Globu d'Oru, Premios Independent Spirit, etc.
Biografía
Nacíu na ciudá canadiana de Vancouver de la provincia de Columbia Británica en 1982. Ye proveniente d'una familia xudía, crióse nel barriu de Marpole. Graduóse en secundaria na Escuela de Secundaria Point Grey y darréu asistió a la Universidá McGill de Montreal (Quebec). Nel añu 2004, trabayó mientres solamente tres díes como modelu de conxuntos pa la marca de ropa American Apparel. Nesi últimu añu empecipió la so carrera como guionista, xunto al so amigu de la infancia l'actor, comediante, escritor y productor de cine Seth Rogen, col qu'empezó escribiendo guiones pa la serie de televisión Da Ali G Show, creada ya interpretada por Sacha Baron Cohen. Al pie de Seth Rogen, dende'l 2007 trabayen conxuntamente como guionistes y productores cinematográficos en distintes películes d'humor qu'algamaron un gran ésitu internacional como Knocked Up, Superbad, Pineapple Express, Funny People, The Green Hornet, 50/50, The watch, The Guilt Trip y el curtiumetraxe Jay y Seth vs The Apocalypse. Dambos hanse declaráu pergrandes fans de The Simpsons y en 2009 conocieron al guionista de la serie animada, James L. Brooks qu'afirmó ser fan de la película que produxeren Superbad, qu'hai raigañu d'eso Brooks y los productores de Los Simpsons decidieron que dambos escribieren un capítulu de la serie que foi tituláu Homer the Whopper y estrenáu mientres la vigesimoprimera temporada.
Evan Goldberg empezó como direutor cinematográficu nel añu 2013 xunto a Seth Rogen, dirixendo la película This Is the End (Xordia hasta'l fin ) y anguaño tienen numberosos proyeutos dirixendo la próxima película The Interview que tien prevista la so fecha d'estrenu pa ochobre de 2014 y produciendo les películes Neighbors y Sausage Partyhttp://www.elseptimoarte.net/seth-rogen-y-evan-goldberg-crean-una-nueva-comedia-de-animacion-pa-adultos--sausage-party--18758.html que ta prevista pal 2015 y tamién les futures series de televisión Bigfoot de la cadena de la Fox, FX y Predicador de Sony Pictures Television, que ta sacada de la historieta Predicador.
Filmografía
Guionista, productor y direutor
Añu Títulu Notes2004Da Ali G ShowGuionista 2007Knocked UpProductor executivu y guionistaSuperbadProductor y guionistaJay and Seth versus the ApocalypseGuionista; (curtiumetraxe)2008Pineapple ExpressGuionista2009Funny PeopleProductor executivu2010The SimpsonsGuionista; 1 episodiu: Homer the Whopper 2011The Green HornetGuionistaGoonIdem50/50Productor executivu 2012The watchGuionistaThe Guilt TripProductor2013This Is the EndDireutor, productor y guionista 2014NeighborsProductor; anguaño en desenvolvimientuThe InterviewDireutor, productor y guionista; idem2016Sausage PartyProductor y guionista; idem2016Neighbors 2: Sorority RisingProductor ConfirmarBigfootProductor executivu; (serie de televisión)- FXPredicadorIdem; - Sony Pictures Television
Premios y mominaciones
Premios Emmy Añu Categoría Trabayu Resultáu 2005 Meyor guión nuna serie de comedia, variedaes o música Da Ali G Show Nomáu
Premios Canadian Comedy Añu Categoría Trabayu Resultáu 2008 Meyor guión cinematográficu Superbad Ganador
Premiu Globu d'Oru Añu Categoría Trabayu Resultáu 2012 Meyor película - Comedia o musical 50/50 Nomáu
Premios Independent Spirit Añu Categoría Trabayu Resultáu 2012 Meyor película 50/50 Nomáu
Premios Genie Añu Categoría Trabayu Resultáu 2013 Meyor Guión Adautáu Goon Nomáu
Ver tamién
Seth Rogen This Is the End Homer the Whopper Da Ali G Show
Referencies
Enllaces esternos
Ficha en filmaffinity.com Biografía Entrevista
Categoría:Actores y actrices de Canadá Categoría:Direutores de cine de Canadá Categoría:Productores de cine de Canadá Categoría:Guionistes de cine de Canadá Categoría:Guionistes de televisión de Canadá Categoría:Guionistes de Canadá
Categoría:Persones de Vancouver