thumb|300px|Divisiones alministratives de la Xunión Soviética en 1989.
El Sóviet de les Nacionalidaes (en rusu: Совет Национальностей), yera una de les dos cámares del Sóviet Supremu de la Xunión Soviética creáu pola Constitución de la Xunión Soviética de 1936. Funcionó ente los años 1938 y 1991. A diferencia del Sóviet de la Unión, el Sóviet de les Nacionalidaes taba compuestu poles distintes nacionalidaes (repúbliques) de la Xunión Soviética, que representaben les divisiones alministratives y non por representantes de los distintos grupos étnicos.
El Sóviet de les Nacionalidaes esfrutó de los mesmos derechos que'l Sóviet de la Unión, tantu nel área de les iniciatives llexislatives, como na resolución d'otres cuestiones. Gociaba d'autonomía pa escoyer al so presidente, que dirixía les sesiones de la cámara, según a los sos cuatro vicepresidentes y a les comisiones permanentes.
Composición y forma d'eleición
El Sóviet de les Nacionalidaes taba compuestu por 625 diputaos, y los sos miembros yeren escoyíos de forma universal, igualitaria, direuta y secreta, acordies colos principios de la democracia socialista. Cola regla d'igualdá de representación de les distintes nacionalidaes soviétiques, el sóviet taba formáu por igual cantidá de representantes de caúna de les Repúbliques de la Xunión Soviética:
32 diputaos per cada república (ensin cuntar otres unidaes autónomes que podíen tar dientro de la república, qu'unviaben miembros de forma separada). 11 diputaos por cada república autónoma. 5 diputaos por cada óblast autónomu. 1 diputáu per cada distritu nacional.
Nel Sóviet de les Nacionalidaes, la más grande de les repúbliques, la RSS de Rusia, con una población de 147 millones de persones, y la república más pequeña, la RSS d'Estonia, con una población de 1,5 millones, teníen 32 diputaos caúna.
Comisiones permanentes thumb|200px|Escudu de la Xunión Soviética.
Comisión Mandatoria Comisión en Supuestos Llexislativos Comisión de Planificación de Presupuestu * Comisión d'Asuntos Esteriores Comisión d'Asuntos de la Mocedá * Comisión d'Industria * Comisión de Tresportes y Comunicaciones Comisión de Construcción ya Industria de los Materiales de Construcción Comisión de Serviciu de Consumu y Economía Municipal Comisión de Mediu Ambiente.
Presidentes del Sóviet de les Nacionalidaes Nome Periodu Nikolái Shvérnik 1938 - 1946 Vasili Kuznetsov 1946 - 1950 Zhumabay Shayakhmetov 1950 - 1954 Vilis Lācis 1954 - 1958 Janis Peive 1958 - 1966 Xustes Paleckis 1966 - 1970 Yadgar Sadikovna Nasriddinova 1970 - 1974 Vitalijs Rubenis 1974 - 1984 August Voss 1984 - 1989 Rafiq Nishonov 1989 - 1991
Ver tamién
Sóviet de la Unión Constitución de la Xunión Soviética Gobiernu de la Xunión Soviética Política de la Xunión Soviética
Referencies
Enllaces esternos
Categoría:Organismos de la Xunión Soviética Categoría:Congresos y parllamentos históricos