Friedrich Adler foi un políticu y revolucionariu austriacu.
Fiu del tamién políticu socialista Víctor Adler, estudió química, física y matemátiques en Zurich. En 1897 afilióse al partíu socialdemócrata d'Austria (SPÖ) y en 1907 foi editor del magazine Der Kampf ("La llucha"). Foi un bon collaciu d'Albert Einstein.
Na so llucha revolucionaria escontra la represión policial n' Austria-Hungría tomó drástiques midies. El 21 d'ochobre de 1916, nel restaurante del hotel vienés Meißl und Schadn disparó tres veces al ministru-presidente d' Austria, el Conde Karl von Stürgkh, matándolu. Por esti crimen foi sentenciáu a pena de muerte, pena que foi meguada posteriormente a 18 años de cárcele, gracies al emperador Carlos. El 1 de payares de 1918, en plena revolución, foi lliberáu.
Desendolcó la so vida política n' Austria hasta la Segunda Guerra Mundial. Exilióse a Estaos Xuníos y retiróse de la política. Finó en Zurich a la edá de 80 años.
Referencies
Categoría:Políticos y polítiques d'Austria Categoría:Socialistes d'Austria Categoría:Persones de Viena