El Senáu d'Alaska ye la Cámara Alta de la Llexislatura Estatal del Estáu d'Alaska, Estaos Xuníos.
Funcionamientu
El Senáu aprueba lleis estatales, que son revisaes por comités estatales y tienen de tener un auspiciante. Una vegada aprobaes les lleis son unviaes a la Cámara de Representantes d'Alaska onde pueden ser aprobaes ensin enmiendes y unviaes al gobernador pa la so firma. Si realicen enmiendes entós devuélvese al Senáu por que vote o non les enmiendes. Usualmente les enmiendes d'analicen nun comité ente les dos cámares.Legislative Process , Alaska Legislature (accessed April 25, 2013) Una vegada aprobáu por dambes cámares el gobernador puede roblar la llei, poniéndola en vixencia, o puede vetala y nesi casu el Senáu requier de dos tercios de los votos p'aprobala. El Senáu ye tamién la única de les cámares que pueden confirmar los nomamientos del gobernador que requiern refrendo.
Miembros
Pa ser senador estatal ye requisitu tener 25 años, siquier 3 años de residencia n'Alaska y unu de morar nel distritu que se representa.Alaska Handbook to State Government (accessed April 25, 2013) Ye posible remover a un senador del so cargu con dos tercios de los votos, cosa que solo asocedió una vegada: en 1982 cuando George Hohman foi depuestu por corrupción, daqué inusual una y bones los senadores cuestionaos usualmente prefieren arrenunciar al so cargu.
Presidencia
A diferencia d'otros estaos, el vicegobernador nun ye'l presidente oficial del Senáu, sinón qu'esti ye electu d'entro los senadores.Article 2 of the Alaska Constitution , Lieutenant Governor's Office (accessed April 26, 2013)
Ver tamién
Cámara de Representantes d'Alaska
Enllaces esternos Alaska State Senate official government website Project Vote Smart – State Senate of Alaska
Referencies
Categoría:Gobiernu d'Alaska Categoría:Cámares altes Categoría:Llexislatures estatales d'Estaos Xuníos