Gabriele Zimmer ye una política alemana de Die Linke (La Izquierda). Ye miembru del Parllamentu Européu dende 2004, siendo reelixida en 2009 y 2014. Dende marzu de 2012, tamién ye presidenta del Grupu Confederal de la Izquierda Unitaria Europea/Izquierda Verde Nórdica, tres l'arrenunciu de Lothar Bisky.
Biografía Primeros años Nacida en Berlín, creció ensin el so padre en Schleusingen, cerca de Suhl, Turinxa. Asistió de 1961 a 1969 a la Escuela Cimera Politéunica y depués a la Escuela Cimera Estendida en Schleusingen en 1973. Estudió traducción ya interpretación de francés y rusu nel Departamentu de Llingüística Aplicada y Teórica de la Universidá de Leipzig (nesi entós Universidá Karl Marx).Gabriele Zimmer. Munzinger Online/Personen - Internationales Biographisches. Trabayó nel sector priváu ente 1977 y 1989, como alministrativa, editora y redactora.
Carrera partidaria Foi miembru del partíu comunista d'Alemaña Oriental, del Partíu Socialista Unificáu d'Alemaña y los sos socesores, de cutio dende 1981. De 2000 a 2003 foi presidenta nacional del Partíu del Socialismu Democrático (PSD). Primeramente foi vicepresidenta nacional ente 1996 y 2000, presidenta del PSD de Turinxa dende 1990 hasta 1998, y líder del grupu parllamentariu del PSD nel Parllamentu Rexonal Turinxu (1999-2000). Dende 2007 ye miembru de Die Linke (La Izquierda).
Carrera pública Foi diputada nel Parllamentu Rexonal Turinxu de 1990 a 2004. Esi últimu añu foi electa eurodiputada. Nel Parllamentu Européu, formó parte de les comisiones de Desarrollu y d'Empléu y Asuntos Sociales.
Referencies
Enllaces esternos
Sitiu web oficial (n'alemán) Zimmer na izquierda europea (n'alemán) Actividá nel Parllamentu Européu (n'inglés)
Categoría:Persones de Berlín Categoría:Políticos y polítiques d'Alemaña Categoría:Políticos y polítiques de Die Linke Categoría:Eurodiputaos y eurodiputaes de la Llexislatura 2004-2009 Categoría:Eurodiputaos y eurodiputaes de la Llexislatura 2009-2014 Categoría:Eurodiputaos y eurodiputaes de la Llexislatura 2014-2019 Categoría:Eurodiputaos y eurodiputaes d'Alemaña Categoría:Comunistes d'Alemaña