Folgueroles ye un conceyu de Cataluña, perteneciente a la provincia de Barcelona, na comarca d'Osona y asitiáu a caballu del llanu de Vic y del entamu del macizu de les Guillerías, qu'accidenta'l sector oriental del términu municipal. El relieve nidiu de poniente, chiscáu de masíes y dellos pequeños montículos, vuélvese abrupto en llevante, con ribayos y fondalaes llenes de vexetación por onde escurren riegues como'l de Folgueroles (afluente del Gurri) o'l Lledoner.
Al norte llenda colos términos municipales de Tabérnolas y Gurb, al este con San Saturnino de Osormot y Vilanova de Sau, al sur con Calldetenes y Santuyano de Vilatorta y con Vic al oeste. Falta 5 km de Vich, 37 km de Ripoll, 60 km de Girona y 75 km de Barcelona.
Evolución demográfica1900 1930 1950 1970 1981 1986 2006 2008 735 996 918 977 101010651.983 2.154
Toponimia El nome de Folgueroles, vien de la pallabra en catalán Falguera (felechu n'asturianu). Na forma oficial caltúvose'l radical del nome na variedá antigua (Folg-). Apaez en documentos antiguos coles siguientes formes: "Felgeirolas", 898 y 908- "Felcarioles", 899- "Feleceroles", 915- "Felgaroles", 930- "Felgarolis", 1067- "Folguerolis,-roles" sieglu XII- "Ste.Marie de Folgeroles"- "Falgeroles",principios sieglu XIII- "Folguiroles",1330- "Folgaroles",1359-
Economía L'actividá principal de los sos habitantes siempres tuvo rellacionada coles xeres agrícoles. Mientres la Edá Moderna y hasta'l sieglu XIX, l'agricultura taba complementada por industria testil, rural y doméstica. Tamién destaca, pola so importancia y espardimientu, l'oficiu de picapedreru surdíu poles abondosu canteres de gres blandu, material bien apreciáu na construcción pola so docilidad y utilizáu en bona parte de los edificios y escultures de la comarca.
Alcaldía
Personaxes célebres Jacinto Verdaguer (1845-1902) Nani Roma (1972- )
Referencies
Enllaces esternos
Páxina web del Conceyu de Folgueroles (en catalán) Información de la Xeneralidá de Cataluña (en catalán) Información del Institutu d'Estadística de Cataluña (en catalán)
Categoría:Conceyos de Barcelona Categoría:Llocalidaes de la provincia de Barcelona Categoría:Wikipedia:Mantenimientu:Llocalidaes d'España ensin partíu xudicial