Sant Pere de Vilamajor ye un conceyu de la comarca del Vallès Oriental, na provincia de Barcelona, na comunidá autónoma de Cataluña. Forma parte de la subcomarca natural del baxu Montseny.
Xeografía Asitiáu nel so estremu más septentrional, na variante más meridional de la llanura d'El Aselu. Ye unu de los conceyos más estensos de la contorna pero al empar con una de les densidaes de población más baxes.
Llenda al sur con Sant Antoni de Vilamajor, al este con Sant Esteve de Palautordera y Santa Maria de Palautordera y Fogars de Montclús, al norte con Montseny al oeste con Tagamanent, Cànoves i Samalús y Cardedeu.
Comunicaciones La principal vía de comunicación ye un ramal de la carretera BP-5107, que va de Llinars del Vallès a Sant Llorenç Savall, pasa per Sant Antoni de Vilamajor y dellí da accesu a los diversos nucleos habitaos que conformen el conceyu.
Historia El descubrimientu de restos ibéricos y romanos faen pensar qu'esistió un enclave íberu y, darréu, una villa romana que se caltuvo mientres el periodu visigodu. De lo que nun hai duldes ye que mientres el sieglu IX hubo en Sant Pere de Vilamajor una población estable qu'esfrutaba de los beneficios d'una pequeña ilesia.
Sant Pere de Vilamajor foi un llugar destacáu en dómina medieval, yá que onde anguaño s'atopa la ilesia, tuvo'l Palaciu Condal de los Condes de Barcelona, Ramón Berenguer IV y Petronila d'Aragón.
Mientres esta dómina yera la primera o la segunda, dependiendo del sieglu, población más grande de la zona. Col pasu del tiempu, Vilamajor foi perdiendo importancia. Los condes dexaron de dir. El terremotu del sieglu XV baltó gran parte del palaciu condal que s'atopaba nun estáu llamentable.
La esistencia d'una importante población tremada na dómina feudal, dio llugar a la creación de numberoses capiyes, ermites o ilesies. Hai de solliñar ente elles l'antigua ermita de Can Nadal d'orixe prerrománicu y que pasa por ser la más antigua de tol conceyu y la ermita dedicada a San Elías que s'edificó nel sieglu XV.
Col procesu industrializador de Cataluña, Sant Pere de Vilamajor foi perdiendo adulces población. A principios del sieglu XX cola revolución industrial, construyéronse dellos edificios de veranéu d'estilu modernista. La proximidá de Barcelona favoreció les urbanizaciones de segunda residencia qu'anguaño xenera una nueva crecedera demográfica del pueblu.
Demografía El conceyu, que tien una superficie de 34,3 km², cuenta según el padrón municipal pa del INE con habitantes y una densidá de hab./km².
Población por nucleu Desglose de población según el Padrón Continuu por Unidá Poblacional del INE.
Nucleos Habitantes (2014)Nomenclátor: Población del Padrón Continuu por Unidá Poblacional Varones Muyeres Boscassos i Vallserena 1839 928 911 Brugueres 34 19 15 Canyes 63 31 32 El Brugue 1279 643 636 El Pla 362 183 179 Sant Pere de Vilamajor 620 292 328 Santa Susana 34 16 18 Sot de L'Om 17 8 9
Alministración
Economía La economía del conceyu ye mayoritariamente agrícola, ganadera y forestal.
Evolución de la delda viva El conceutu de delda viva contempla namái les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.
La delda viva municipal per habitante en 2014 xubía a 189,50 €.División de la delda viva de 2014 (datu del Facienda y Alministraciones Públiques, Delda Viva de les Entidaes Llocales ) ente'l númberu d'habitantes del conceyu d'esi mesmu añu (datu del Institutu Nacional d'Estadística, Nomenclátor: Población del Padrón Continuu por Unidá Poblacional).
Referencies
Enllaces esternos
Categoría:Conceyos de Barcelona Categoría:Llocalidaes de la provincia de Barcelona Categoría:Wikipedia:Mantenimientu:Llocalidaes d'España ensin partíu xudicial