Heinrich Theodor Böll foi ún de los escritores alemanes más importantes del sieglu XX. Premiu Nobel de Lliteratura 1972.
Böll ñació en Colonia, nel sén d'una familia católica lliberal y pacifista, educáu nun colexu católicu, foi quien a evitar la entrada nes Mocedaes Hitlerianes nos años 1930. Trabayó como ayudante de llibreru y en 1939 matriculóse en filoloxía xermánica na Universidá de Colonia, pero l'entamu de la Segunda Guerra Mundial impidió-y que siguiere colos sos estudios al ser llamáu a files de la Wehrmacht, participó n'aiciones militares en Francia, Rumanía, Hungría y la Xunión Soviética, mancáu cuatro vegaes enantes de ser capturáu polos americanos n'abril de 1945 y unviáu a un campu d'internamientu.
Publicó la so primer novela, Der Zug war pünktlich, en 1949. Böll forma parte del Grupu 47, nel qe tamién tán Günter Grass o Ingeborg Bachmann. Les sos obres más conocíes son Billard um halb zehn y Ansichten eines Clowns. Les sos primeres noveles traten de les consecuencies de la guerra y de los sos efeutos materiales y sicolóxicos pal alemán corriente, tornáu a más de 30 llingües, ye ún de los dos autores alemanes más lleíos del mundiu.
Referencies
Enllaces esternos
Categoría:Escritores d'Alemaña Categoría:Premiu Nobel de Lliteratura