CernadiellaEl llumbreiru páxina 4 (n'español, Cernadilla) ye un conceyu y llocalidá española de la provincia de Zamora y de la comunidá autónoma de Castiella y Lleón.
Tien una superficie de 36,40 km² nos que viven .
Xeografía Nel términu municipal se Cernadiella allúgense les llocalidaes de San Salvador de Palazuelo y Valdemeriella. D'antiguo tamién s'atopaba Anta de Tera, agora somorguiada sol banzáu de Valparaíso.
Ta asitiada nuna llanura na marxe izquierda del Tera y a una altitú de 908 metros, datos qu'inflúin nes sos carauterístiques climátiques y en consecuencia nes clases y posibilidaes de cultivos. L'allugamientu ye una terraza fluvial descompuesta al cabu de miles d'años. El so suelu xeolóxicu ta asitiáu ente l'ordovícicu cimeru y el silúricu a base de cayueles de color escuru con filoncillos de cuarzu ya intercalaciones cuarcíferes de dellos metros de potencia.
La so altitú y les carauterístiques de los suelos convirtiéronlo nun llugar aparente pal carbayu principalmente. El centenu y el trigu "seruendo", trigu tardíu, fueron xunto col llinu, les hortolices y les pataques los cultivos más destacaos y xuníu a la bayura de camperes dexó-y una bona cabaña ganadera de vacunu, lanar y cabrín principalmente.
Topónimu Cernadiella ye un topónimu afechu a les carauterístiques de los sos suelos, constituyendo una especie de definición sobre ellos. Procede del baxu llatín y yá el romance fixera la so apaición con Cernadal, llugar de tierres llixeres, abondoses n'humus que les faen fáciles de trabayar y que, daes les carauterístiques y bayura de la so vexetación, son fácilmente esplicables. El xentiliciu de los habitantes de Cernadiella ye farándulos. De fechu l'asociación cultural d'esta llocalidá llámase "Los Farándulos".
Historia Na Edá Media, Cernadiella quedó integrada nel Reinu de Lleón, que los sos monarques acometieron la repoblación del oeste zamoranu.
Mientres la Edá Moderna, Cernadiella tuvo integráu na provincia de les Tierres del Conde de Benavente y dientro d'esta na xurisdicción de Sanabria. La Venta de Cernadiella, propiedá de los condes de Benavente, constituyía por sigo sola'l so testimoniu de la xurisdicción del conde sobre'l llugar y los sos vasallos hasta bien entráu'l sieglu XIX.
Sía que non, al reestructurase les provincies y crease les actuales en 1833, Cernadiella pasó a formar parte de la provincia de Zamora, dientro de la Rexón Lleonesa, quedando integráu en 1834 nel partíu xudicial de Puebla de Sanabria.INE: Provincia de Zamora. Entiende esta provincia los siguientes conceyos por partíos xudiciales Nesta dómina, Pascual Madoz señala que nesti llugar funcionaben dos telares y dos molinos d'agua uno nel Tera permanente y otru d'iviernu nel regueru del pueblu.
En 1940 el conceyu de Cernadilla tomó la so estensión actual, al integrar nel so territoriuy al antiguu conceyu de Valdemeriella.Orde pola que s'aprueba l'anexón voluntaría del Conceyu y términu municipal de Valdemerilla al de Cernadilla, provincia de Zamora
Demografía
Llocalidaes El conceyu tien tres llocalidaes, cola siguiente población en 2016 según l'INE. Nucleu de población Población Cernadiella73 San Salvador de Palazuelo48Valdemeriella7
Fiestes En Cernadiella son díes festivos el 2 de febreru, día de la patrona, la Virxe de les Candeles, y el 3 de febreru, día del patrón, San Blas. Nel mes d'agostu celebren les fiestes populares.
Ver tamién Llista de conceyos de Zamora
Referencies
Enllaces esternos
Categoría:Llocalidaes de la provincia de Zamora Categoría:Conceyos de Zamora Categoría:Wikipedia:Mantenimientu:Llocalidaes d'España ensin partíu xudicial