Valdefinjas ye un conceyu d'España, na provincia de Zamora, comunidá autónoma de Castiella y Llión.
Tien una superficie de 16,3 km² con una población de 51 habitantes (INE 2017) y una densidá de 3,13 hab/km².
Historia Como'l restu d'alfoz toresano, mientres la Edá Media Valdefinjas quedó integráu nel Reinu de Llión, que los sos monarques acometeríen la repoblación de la llocalidá dientro del procesu repoblador lleváu a cabu na xurisdicción toresana.
Yá na Edá Moderna, Valdefinjas tuvo integráu na provincia de Toro, dependiendo dende la Edá Media del arciprestalgu toresano, siendo dende les Cortes lleoneses de 1188 una de les llocalidaes representaes pela ciudá de Toro en Cortes.
Sicasí, al reestructurase les provincies y crease les actuales en 1833, la llocalidá pasó a formar parte de la provincia de Zamora, dientro de la Rexón Lleonesa, integrándose en 1834 nel Partíu Xudicial de Toro.Subdivisión en partíos xudiciales de la nueva división territorial de la Península ya islles axacentes / aprobada por S. M. nel real decretu de 21 d'abril de 1834
Demografía
Economía Ye una población enmarcada na Denominación d'Orixe Toro, produciendo vinos, la mayoría caseros, anque apocayá afincárase una bodega nel conceyu. La ocupación principal ye l'agricultura y la ganadería.
En 2006 instalóse la fábrica de quesu artesanal de quesu zamorano del 'Zagal de Valdefinjas'.
Cultura La so cultura popular ye fiel reflexu de la llocalidá próxima de Toro.
Celébrense les sos fiestes en mayu (Patrón) y apocayá recuperóse la tradición de celebrar les Águedas.
Cantares tradicionales son el 'Tíu Babú' y el 'Boleru d'Algodre'.
Referencies
Enllaces esternos Valdefinjas n'El Norte de Castiella
Categoría:Llocalidaes de la provincia de Zamora Categoría:Conceyos de Zamora Categoría:Wikipedia:Mantenimientu:Llocalidaes d'España ensin partíu xudicial