La Mudarra ye un conceyu de la provincia de Valladolid (Castiella y Lleón, España). Alcontráu na comarca de los Montes Torozos.
Nel so términu municipal atópase'l Centru d'Investigación de la Baxa Atmósfera (CIBA), dependiente del departamentu de Física de la Universidá de Valladolid.
Les principales actividaes económiques del conceyu son l'agricultura y la silvicultura.
Nel so términu municipal naz el ríu Hornija, que desagua nel Duero en San Román de Hornija na llende de la provincia de Valladolid cola de Zamora.
Les sos fiestes son el 13 de xunu y el so patrón ye San Antonio de Padua.
Subestación llétrica En La Mudarra atópase una subestación llétrica, propiedá de Rede Llétrica d'España, que distribúi electricidá a tol noroeste español. Al traviés d'esta subestación llétrica de tresporte se evacua principalmente la enerxía xenerada na Central térmica de La Robla (Lleón), según la enerxía escedente que se xeneró n'otres centrales llétriques del noroeste español (Galicia, Asturies y Lleón) y que'l so destín principal ye abastecer la demanda llétrica de Madrid (llega a cubrir un 40% de la demanda madrilana).
Personaxes pernomaos Godofredo Garabito, historiador, escritor y académicu. (1932 - 2012)
Ver tamién Gastronomía de la provincia de Valladolid Historia de la provincia de Valladolid Economía de la provincia de Valladolid
Referencies
Enllaces esternos
Categoría:Llocalidaes de la provincia de Valladolid Categoría:Conceyos de Valladolid