Villalán de Campos ye una población española de la provincia de Valladolid na comunidá de Castiella y Llión.
Historia Les primeres referencies escrites nes que consta'l nome de Villalán (Villa Egilani) daten del s.XI. Trátase fundamentalmente d'escritures de donación o permuta de bienes ente individuos y los monxos del monesteriu de Santu Facundo (Sahagún). El topónimu "Villalán" foi consideráu por autores como Menéndez Pidal como'l niciu de la persistencia cultural de los pueblos xermánicos invasores (Alanos) tres la dominación Romana.R. Menéndez Pidal, Oríxenes del Español, Madrid. 1976. Sicasí, anguaño tien más peso consideralo como una formación compuesta de Villa + nome de posesor del terrén, que ye la estructura más común nes llocalidaes de la zona de Tierra de Campos.Carrera de la Red, Maria Fátima. Macrotoponimia Castellana en fontes documentales. Reflexu de la evolución histórica de la nuesa llingua. sl.Universidá de Cantabria. Asina "Villa Egilani" sería la "Villa de Egila"Congrés Internacional de Toponímia i Onomàstica Catalanes :València, 18-21 d'abril de 2001 / [edició a cura d'Emili Casanova i Vicenç M. Rosselló] lo cual, guarda sentíu col fechu de qu'esistiera un "presor" o poblador d'esa zona nel sieglu X llamáu Egila, documentáu nes tresferencies de terrenos d'una población sumida llamada Villa Bera, próximu al actual Aguilar de Campos.
Xeografía Enclaváu en plenu corazón de la comarca de Tierra de Campos, el so paisaxe entemez la llanura cerealista con delles pequeñes llombes y nidies rimaes debíes a la so cercanía a la vega del ríu Valderaduey.
El términu municipal llinda al NE con Villavicencio de los Caballeros, al E con Ceinos de Campos, al S con Aguilar de Campos y al NO con Bolaños de Campos. Forma parte del so términu municipal el caserío de Payares de Campos.
El conceyu ye travesáu pel ríu Navajos, tamién conocíu como regueru Bustillo o Ahogaborricos, afluente del Valderaduey.
Alministración
Demografía Na siguiente tabla amuésase la evolución del númberu d'habitantes ente 1996 y 2006 según datos del INE.
NOTA: La cifra de 1996 ta referida a 1 de mayu y el restu a 1 de xineru.
Economía
La so economía mora básicamente na agricultura cerealista y la ganadería ovina.
Cultura Mientres los años 80 y primeros 90 del sieglu XX foi un importante focu dinamizador de la vida cultural de la zona, gracies a la unión d'esfuerzos de la mocedá local al traviés de la "Asociación Cultural Alano" y el mesmu conceyu de la población.
Personaxes célebres thumb|right|250px|Torre de la ilesia de Villalan de Campos. Eugenio Merín, escritor y relixosu.
Monumentos Ilesia parroquial de Santa Cecilia: construyida en lladriyu d'una sola nave, cubierta con armadura de madera.
Fiestes 22 de payares: Santa Cecilia. 16 d'agostu: San Roque
Ver tamién Gastronomía de la provincia de Valladolid
Referencies
Enllaces esternos
Diputación de Valladolid. Datos d'interés sobre la población.
Categoría:Llocalidaes de la provincia de Valladolid Categoría:Conceyos de Valladolid