Barbolla ye un conceyu d'España, na provincia de Segovia, comunidá autónoma de Castiella y Lleón. Tien una superficie de 26,13 km².
Tien como pedanía la llocalidá d'El Olmo y nel so términu entá subsisten otros dos pequeños nucleos, güei despoblaos: Corralejo y Villarejo.
Símbolos
120px|left|Escudu de Barbolla
L'escudu heráldicu y la bandera que representen al conceyu fueron aprobaos oficialmente'l . L'escudu se blasona de la siguiente manera:
La descripción testual de la bandera ye la siguiente:
Historia
Según Pedro Luis Siguero, autor del llibru 'Significáu de los nomes de los pueblos y despoblaos de Segovia', la llocalidá llámase asina siquier dende 1247, en que yá se noma Barvolla.
Amás de Barbolla, el términu llegó a cuntar con otros cinco nucleos habitaos de los que namái unu, El Olmo, caltién güei población. En 1204 nómase-y como Sancta Maria del Olmo y en 1591 apaez citáu como La nuesa Señora del Olmo, pero dende 1759 conózse-y yá a cencielles como El Olmo, pasando a formar parte de Barbolla en 1847. De los otros cuatro nucleos, dos entá pueden visitase. Trátase de Corralejo, qu'hasta'l sieglu XVI yera conocíu como Corral de Yuso y qu'en 1950 cuntaba con 41 habitantes, y Villarejo, citáu hasta'l sieglu XV como Villarejo de la Serna y que nel censu de 1950 apaez entá con 16 habitantes. Sicasí, nada queda de los otros dos nucleos de los que se tien constancia: Soña, denomináu Sonna en referencies de 1247, y Zarzosa, qu'en 1591 yera citáu como Çarzossa.
Xeografía
Barbolla llenda al este colos conceyos de Boceguillas y Castillejo de Mesleón, al sur col de Sotillo, al oeste colos de Sepúlveda y Aldeonte, y al norte colos de Navares de Ayuso y Aldeonte. El relieve de Barbolla ye predominantemente llanu, con altitúes que van de los 935 metros na llende oeste del términu municipal a los 1.032 metros de La Chorra, nel cantu noroeste, o los 1.040 que se superen en zones de monte de la llende este; siendo l'altitú media del so territoriu de 1.000 metros. El so términu municipal ta travesáu por dos cursos fluviales, dambos afluentes del ríu Duratón y que lleguen a ensugase mientres el branu: el Regueru del Focete, formáu pola confluencia de dellos calces que baxen principalmente dende la Sierra de Pradales, asitiada al norte, y el Ríu Serrano, que naz al este, na Sierra d'Ayllón.
En cuanto al clima, la pluviometría añal media de Barbolla ye de 565 llitros per metru cuadráu y la temperatura medio añal, de 11,1 graos centígrados, con una media de mínimes nel mes más fríu de -1,1 graos baxo cero y una media de máximes nel mes más templáu de 29,4 graos.
Sito cerca de l'autovía del Norte A-1, nes proximidaes de Boceguillas, y a 7 quilómetros al nordeste de Sepúlveda, a que'l so partíu xudicial pertenez. L'actividá económica xira alredor de l'agricultura, sector favorecíu en Barbolla pola alta calidá de los sos suelos en comparanza colos conceyos estremeros, y a les esplotaciones ganaderes.
Demografía
Alministración
Monumentos thumb|Ilesia de La nuesa Señora de la Soña Ilesia parroquial de La nuesa Señora de Soña, un templu góticu d'una sola nave que destaca polos sos retablos barrocos, presidíos pol qu'acueye la imaxe románica de la patrona de la villa. Amás, el templu cunta con una pila bautismal tamién románica. Nel esterior, frente al templete d'entrada a la ilesia, álzase l'antiguu rollu de la llocalidá, alzáu con sillares de planta octogonal y que bien pudiera ser usáu va sieglos como picota de xusticia.
Fiestes Santa María Madalena (22 de xunetu) Nuesa Señora de Soña (segundu domingu de setiembre), patrona de la llocalidá. thumb|Panorámica del términu de Barbolla y del so cascu urbanu dende la paraxa conocida como La Pascuala, cercanu a la SG-232, carretera que xune Boceguillas y Aldealcorvo.|alt=
Ver tamién Comunidá de Villa y Tierra de Sepúlveda Diputación Provincial de Segovia Conceyos de Segovia
Referencies
Enllaces esternos
Barbolla na web de la Diputación de Segovia Barbolla na web de Comunidá de Villa y Tierra de Sepúlveda
Categoría:Conceyos de Segovia Categoría:Llocalidaes de la provincia de Segovia Categoría:Wikipedia:Mantenimientu:Llocalidaes d'España ensin partíu xudicial