L'eufemismu ye una figura retórica que consiste en sustituyer una pallabra considerada desagradable por una espresión o otra pallabra que nun tenga les mesmes connotaciones negatives.
Los eufemismos son frecuentes na propaganda en tiempu de guerra, nel llinguaxe políticamente correcto o cuando se fai referencia al sexu, les fonciones fisiolóxiques en xeneral, la muerte, la enfermedá o la economía.
Nel casu de les interxeiciones ye frecuente cambiar pallabres consideraes tabú por otres de significáu bien distintu pero que suenen apaecío. Asina, en munches blasfemies sostitúyese "Dios" por "diez" o "cago en" por "caso con".
Delles veces, col pasu del tiempu, el propiu eufemismu llega a considerase desagradable y sostitúyese por otru nuevu. Por exemplu, anguaño la espresión "cuartu bañu" sustituye a "retrete", que s'usaba pa designar el cuartu de la casa tresnáu pa les necesidaes fisiolóxiques.
Exemplos d'eufemismos "Acabar" por "morrer" "¡Relós! por "¡Rediós!" "¡Miércoles! por ¡Mierda!" "Invidente" por "ciegu" "Persona de la tercera edá" por "vieyu" "Reestructuración" por "despidu" "Daños collaterales" por "víctimes civiles"
Referencies
Enllaces esternos
Categoría:Semántica Categoría:Lexicoloxía