Valero ye un conceyu y llocalidá española de la provincia de Salamanca, na comunidá autónoma de Castiella y Llión. Intégrase dientro de la comarca de la Sierra de Francia y la subcomarca de Las Quilamas. Pertenez al partíu xudicial de Béjar.
El so términu municipal ta formáu por un solu nucleu de población, ocupa una superficie total de 26,27 km² y según los datos demográficos recoyíos nel padrón municipal ellaboráu pol INE nel añu , cuenta con una población de habitantes.
Historia L'orixe del nome del pueblu créese que vien del nome romanu Valerio, llugar onde s'asitió una villa nesa dómina. Destaca na dómina visigoda la mítica batalla ente los musulmanes y Don Rodrigo, llamada Batalla de Segoyuela, que dio orixe a la creación de la lleenda de la Reina Quilama.
Darréu, na Edá Media, Valero ye repobláu polos reis lleoneses, no que puede considerase como la fundación del pueblu actual, pasando a formar parte del cuartu de Peña del Rei de la xurisdicción de Salamanca, dientro del Reinu de Llión.Mínguez, José María (Coord.) (1997). Historia de Salamanca. II Edá Media. Salamanca: Centru d'Estudios Salamanquinos. Páx. 319
El 19 de setiembre de 1636 Felipe IV crea a favor de Juan Manuel Manrique de Zúñiga, duque de Béjar, el Marquesáu de Valero, que pasa a englobar el territoriu de Valero, El Endrinal, San Miguel, Los Santos, Frades y Tornadizo.
Cola creación de les actuales provincies en 1833, Valero foi incluyíu na provincia de Salamanca, dientro de la Rexón Lleonesa.
Demografía
Xeografía Clima
Valero tien un clima mediterraneu Csaaemet.es, Atles climáticu ibéricu. (templáu con branu secu y calorosu) según la clasificación climática de Köppen.
Fauna D'antiguo había llobos y cabra pirenaica hispánica, osos y llobos cervales (créese qu'inda queden dellos llobos cervales). Anguaño les especies que podemos atópase na zona son: foinos, cigüeña negra, utre negra, alimoches, águiles perdigueres, ferre pelegrín, águila real, llondra y coríu selvaxe.
La piscina natural de Valero
La piscina natural foi construyida en 1985 y dende los sos oríxenes foi llamada como "Charcu'l Pozu", anque na actualidá foi perdiendo esta denominación.
La piscina ta asitiada nuna antigua presa realizada pa la fábrica de la lluz que se construyó en 1920 y daba lluz inclusive a Frades de la Sierra.
Ta alimentada peles llimpies agües del ríu Quilamas. Ye una agua totalmente llimpia y cristalina que llega virxe a Valero.
Cuenta con más de 100 metros nadables y con una fondura máxima alredor de los 2 metros.
Cultura
Fiestes En Valero esisten delles festividaes de les cualos les más importantes son "San Valerio" que se celebraba'l 29 de xineru y "La nuesa Señora de les Candeles" el 2 de febreru.
Ver tamién Llista de conceyos de Salamanca Sierra de Francia Sierra de les Quilamas
Referencies
Enllaces esternos
Índiz de conceyos de la Diputación de Salamanca
Categoría:Conceyos de Salamanca Categoría:Llocalidaes de la provincia de Salamanca Categoría:Wikipedia:Mantenimientu:Llocalidaes d'España ensin partíu xudicial