Bustillo del Páramo de Carrión ye un conceyu y llocalidá española de la provincia de Palencia (Castiella y Lleón).
Demografía
1900 1910 1920 1930 1940 1950 1960 1970 1981 1991 293 286 260 317 282 303 294 180 130 108
Xeografía Llargor: 004º 43' 59" Oeste Latitud: 42º 21' 00" Norte Altitud: 829 msnm.
Historia Bustillo procede del diminutivu de “Bustu” o pequeñu pacional quemáu precisamente pa sirvir de campera pa los animales. Asina, na Edá Media, pretenden consiguise pacionales amburando'l boscaje controláu en círculu. La primer cita data na documentación del sieglu XIII apaeciendo como “Bustiello”. Lo del Páramo ye un anexu localizador que se refier al pandorial de Carrión.
Pol so términu municipal escurre un bon cachu del Camín de Santiago, al igual que l'antigua traza de la Cañada Real Lleonesa.
Cerca de la población, llevantáronse nel so día dos despoblaos Rebolleda y Ponzonava y mui cerca l'Hospital Blanco, denomináu asina por ser atendíu por persones de la cofradería de La nuesa Señora la Blanca, que como otres munches, atendía atendíen a los pelegrinos y nobles que pol transitaben.
El llugar de Rebolledo yera por metá de Bustillo del Páramo y Villamoronta y mercar nel so día el Marques d'Aguilar. Tamién el términu de “Val de Señor” que gociaba'l pueblu, perteneció al obispu de Palencia y depués pasó a la facienda pública.
A la cayida del Antiguu Réxime la llocalidá de constitúi en conceyu constitucional nel partíu de Carrión de los Condes, entós conocíu como Bustillo del Páramo que nel censu de 1842 cuntaba con 44 llares y 229 vecinos.Conceyu Códigu INE-34039
Llugares d'interés Ilesia de San Andrés Apóstol
Tres naves separaes por pilastres que s'alcen con bóvedes d'arestes y decoraes con yeserías barroques y con tres cúpules sobre'l cruceru.
La nave del Evanxeliu, un retablu del primer terciu del sieglu XVII con una escultura de Santu Obispu del sieglu XVIII; otru retablu, esti de la segunda metá del sieglu dispón d'un interesante crucifixu del sieglu XVI y un San Antonio de Pádua del sieglu XVIII. El retablu mayor del Presbiteriu ye barrocu del sieglu XVIII con una bona escultura de San Andrés y otres de San José, San Xuan Bautista, un calvariu con Virxe y San Juan del sieglu XVI.
La nave de la Epístola, un retablu barrocu del sieglu XVIII con delles escultures: la de San Joaquín, Santa Ana, l'Asunción y San Pedro, toes elles del sieglu XVIII. Otru retablu ye rococó con una escultura del Nazarenu y otra de Santu Ángel, del XVIII. demás, una destacada escultura gótica de san pablo del sieglu XIV.
Fiestes Fiestes patronales San Andrés "30 de Payares"
Otres fiestes San Isidro "15 de mayu"
Como llegar Aportar dende la N-120, carretera qu'escurre paralela al Camín de Santiago y xune Osorno con Sahagún. Dende esta toma un esviadura escontra'l norte ente Calzada de los Molinos y Cervatos de la Cueza hasta'l mesmu pueblu. Tamién puede aportase al pueblu dende'l norte por Saldaña y depués tomando esa mesma carretera (Villarrabé, San Llorente, Bustillo).
Información xeneral Mancomunidad Comarca de Saldaña Partíu Xudicial: Carrión de los Condes Superficie: 31,20 ha. Distancia a capital: 50 Km. Total Habitantes: 63 actualizáu a 01/01/2014 Fonte d'información Bustillo del paramo
Referencies
Categoría:Conceyos de Palencia Categoría:Llocalidaes de la provincia de Palencia Categoría:Wikipedia:Mantenimientu:Llocalidaes d'España ensin partíu xudicial