Villaeles de Valdavia ye un conceyu de la comunidá autónoma de Castiella y Llión (España), asitiáu na provincia de Palencia, comarca de Vega-Valdavia. Llenda al sur con Villamelendro de Valdavia, al oeste con Villabasta, al norte con Arenuces de San Pelayo, y al este con San Martín del Monte.

Economía L'actividá predominante ye l'agricultura sobre manera de secanu (trigu, cebada...)y la ganadería ovina.

Evolución demográfica 1900 1910 1920 1930 1940 1950 1960 1970 1981 1991 300 371 340 354 370 399 351 234 150 105

Toponimia El topónimu de Villaeles provién de la aglutinación del sustantivu llatín Villa 'granxa o quinta' más l'antropónimu Feles o Félix, nome hispanorromano de persona. L'apellíu de Valdavia alude al valle del ríu Abia, que pasa pol términu, y que tien el so orixe nel ríu que pasaba pol oppidum vaccéu d'Abia de las Torres.

Historia

Edá Media La primer mención relativa a Villaeles queda recoyida nuna donación efectuada nel añu 905 pol magnate Osorio Díaz, acasu emparentáu cola casa condal de los Banu Gómez de Saldaña, magar nun paez que se trate d'unu de los fíos del conde Diego Muñoz del mesmu nome, habida cuenta de la fecha na que se produz la donación.

Esti fechu quedó recoyíu na confirmación que'l rei Alfonsu VI efectúa na persona del abá Gonzalo, nel añu 1068. El tal Osorio Díaz, oxetu de la donación en cuestión, tuvo que ser una persona bien poderosa na zona del Valdavia mediu, habida cunta'l volume de donar, yá que manda que si morriera ensin socesión, sía pal Monesteriu de San Benitu de Sahagún, tou cuanto tien en Riacos, (llugar próximu a Vega de Riacos), Navafría, (esiste un Navafría na comarca de La Sobarriba na provincia de Llión, pero podría referise, pola cercanía del restu de llugares numberaos, a Villafría de la Peña), Tablares, al que se refier como Tablales, Cornón de la Peña, Arenuces de San Pelayo, al que se refier como Arenuces de Don Feles, el mesmu Villaeles, al que se refier como Villa de Don Feles, l'anguaño despobláu de Villa Ramnio, Villabasta, al que se refier como Villa Abasta, el despobláu de Villa Tello, Arenuces de Nuño Pérez, a la que se refier como Arenuces de Villa Nuño, Villanuño de Valdavia, al que se refier como Villa de D. Nuño, el despobláu de Villa Hanne (nun sabemos si corresponder col pagu de Villahán de Yuso o Villahán de Suso), Villavega a la que se refier como Villa Vajca, Castrillo de Villavega, al que se refier como Castrillo de Hevia, l'anguaño non identificáu despobláu de Villa Meoguti y Polvorosa, a la que se refier como Polvosera xunto al ríu o regueru de Agera, identificáu como l'actual ríu Valdavia.

A mediaos del sieglu XIV Villaeles yera llugar de behetría, esto ye: podía escoyer señor, y los sos vecinos yeren vasallos del poderosu Juan Rodríguez de Cisneros al igual que Villabasta, tal que queda recoyíu nel Magüetu de les Behetrías de Castiella, mandáu escribir por Pedru I de Castiella:

Edá Moderna Nel sieglu XVI Villaeles pagaba diezmos al cercanu monasterio de San Pelayo d'Arenuces y tenía 70 vecinos, más que nengún de la so redolada pos por casu Buenavista tan solo tenía 60, Renedo 50 y Villasila 15.

Dellos pleitos tuvo Villaeles y pueblos cercanos contra la Mesta nel sieglu XVII destacando les de 1633 y 1639.

A mediaos del sieglu XVIII, Villaeles yera villa realenga, pos pertenecía a La so Maxestá. Tenía cuatro molinos fariñeros, 20 colmenares, 56 vecinos, 97 cases, el Hospital del Santu Ecce Homo, un ciruxanu, dolce texedores, etc.

Pelos años 50 del sieglu XIX, Villaeles siguíen siendo villa realenga, tenía 66 vecinos (unos 229 habitantes), un pósito, dos molinos fariñeros y una fábrica de llenzos, con conceyu, 64 cases, un molín d'aceite de quemar, etc.

Asociaciones Asociación d'Ames de Casa La nuesa Señora de los Ánxeles

Fíos pernomaos Alonso Martínez: (Villaeles, 1612-Sevilla 1668). Escultor y imaginero barrocu que desenvolvió la so actividá principalmente n'Andalucía. Juvencio Hospital: (Villaeles, 4-II-1870). Agustino y filólogu.

Bibliografía

Referencies

Enllaces esternos

Categoría:Conceyos de Palencia Categoría:Llocalidaes de la provincia de Palencia