Valdelacalzada ye un conceyu español, perteneciente a la provincia de Badajoz (comunidá autónoma d'Estremadura).
Xeografía física
Allugamientu
Valdelacalzada allúgase a mediu camín ente Mérida y Badajoz , nes vegues baxes del Guadiana concretamente na marxe derecha del ríu Guadiana (a unos 2 km de distancia d'ésti). Pertenez a la contorna de Tierra de Badajoz y al Partíu xudicial de Badajoz.
Historia
Nel añu de 1993 créase esti conceyu porque se segrega de la ciudá de Badajoz. Nel censu de 2001 cuntaba con 847 llares y 2584 vecinos.Conceyu Códigu INE -06-901.
Economía
Na actualidá, Valdelacalzada dispón d'una economía basada na agricultura, principalmente dedicada a la fruticultura, cuntando amás con cinco empreses locales que s'encarguen de tresformar y distribuyir los productos per tol mundu.
Patrimoniu
Ilesia parroquial católica so la advocación de La Sagrada Familia, na archidiócesis de Mérida-Badajoz.Archidiócesis de Mérida-Badajoz - Llistáu de Parroquies
Fiestes
Fiestes populares
SAN ISIDRO. El día 15 de mayu celebra la romería de san Isidro onde'l pueblu esfruta d'una xornada de convivencia con numberoses actividaes na so zona d'acampada. DIA DE LA INDEPENDENCIA. El conceyu celebra'l 27 d'abril el día que foi declaráu conceyu y dexó de ser una pedanía de Badajoz. FIESTES DEL PILAR. En redol al día 12 d'ochobre celebren les feries y fiestes de la llocalidá nes cualos resalten los sos trés díes de tornes de vaquillas que gocien de popularidá na zona.
Referencies
Categoría:Conceyos de Badajoz Categoría:Llocalidaes de la provincia de Badajoz Categoría:Wikipedia:Mantenimientu:Llocalidaes d'España ensin partíu xudicial