Marchagaz ye un conceyu español de la provincia de Cáceres, Estremadura. Pertenez a la mancomunidá de Trasierra-Tierres de Granadilla. Los pueblos más cercanos son Palomero y Casar de Palomero, siendo la población próxima más importante Plasencia.
Xeografía Marchagaz ta arrodiáu de montes como Santa Bárbara (más conocíu por Altamira) y Risco Viejo, esti postreru con 1.010 m d'altitú. Escontra la zona norte topa la comarca de Las Hurdes y les sierres de Gata y Francia y, al este, el banzáu de Gabriel y Galán onde pueden practicase la pesca, el bañu y deportes náuticos, según el pueblu abandonáu y darréu reconstruyíu de Granadilla.
Asitiáu nes fasteres de la Sierra de Santa Bárbara atópase tamién, en direición sur y preséntase como un pueblu protexíu pelos sos montes con forma de X, trazada poles sos cais principales, Ilesia-Valle y Majadilla-Rebollo. Tou al so alredor son finques d'olivares, numberosos sufrerales y tamién dalgún pinar y castañales nes zones más altes.
Nel pueblu reparen ciertos edificios que destaquen pol so tamañu o color, siendo estos, la Cooperativa d'aceitunes, la Ilesia, les cases del Rebollo y un edificiu coles sos parés naranxes na entrada del pueblu viniendo dende Palomero.
Historia Esiste un documentu de 1030 nel que se menta a Marchagaz y Palomero (un pueblu cercanu) como conceyos dependientes de la cercana villa de Casar de Palomero, a la que vencíen como vasallaxe, una serie de productos na fecha de Natividá. Dizse qu'a lo cimero de la Sierra de Santa Bárbara esistió un torrexón que se comunicaba visualmente con otros de la zona, inclusive col d'Alba de Tormes na provincia de Salamanca. Na fastera d'esti monte entá esisten les ruines d'un conventu habitáu por flaires. Anguaño, mui cerca d'esti llugar, construyóse un merenderu onde se celebra añalmente la romería al rematar la Selmana Santa.
A la cayida del Antiguu Réxime la llocalidá de constitúi en conceyu constitucional na rexón d'Estremadura, Partíu Xudicial de GranadillaCervantes Virtual que nel censu de 1842 cuntaba con 35 llares y 192 vecinos.Conceyu Códigu INE -10.117
Economía La casi esclusiva fonte económica tanto de Marchagaz como de los pueblos cercanos ye la recoyida y venta d'aceituna de mesa, especialidá manzanilla (aceituna verde y de tamañu mediu con una esquisita carne y sabor, con cualesquier de los aliños con que se preparar).
La dependencia de l'agricultura ye crónica por cuenta de la escasa cualificación de la población llocal. En 2001, Marchagaz yera'l conceyu de más de 100 habitantes de la provincia de Cáceres con un mayor porcentaxe de población ensin estudios. En total, el 72,2% de la población del conceyu mayor de 10 años escarecía de cualquier tipu de formación educativa. Esti porcentaxe yera notoriamente cimeru al 23,9% de la media rexonal y al 15,3% de la media estatal.
Demografía Marchagaz tuvo los siguientes datos de población dende 1900:
Referencies
Enllaces esternos
Páxina oficial de Marchagaz https://web.archive.org/web/20080117115859/http://www.terra.es/personal2/marchagaz/
Categoría:Conceyos de Cáceres Categoría:Llocalidaes de la provincia de Cáceres Categoría:Wikipedia:Mantenimientu:Llocalidaes d'España ensin partíu xudicial