Xabiero Cayarga ye un escritor en llingua asturiana, llicenciáu en filoloxía inglesa. Anguaño da clases d'español en Dortmund (Alemaña).
En 1994 apaez la novela El boleru de Xabel (Premiu de Narraciones de l'Academia de la Llingua Asturiana), cola que se da a conocer. Ye autor de dellos llibros de cuentos, Les gatileres del cielu (1994), Güelgues sobre'l llagu (1996) y A flor de piel (2000). Tien amás dellos cuentos dispersos en revistes como Lletres Asturianes, Santa Casa, Lliteratura y Sietestrellu y la so narrativa apaez representada na Antoloxía del cuentu asturianu contemporaniu d'Ánxel Álvarez Llano (1994) y na Muestra de nuevos narradores (1997), de Ramón Lluís Bande.
Nel añu 2000 apaez la primera muestra de poesía del autor, El deliriu d'esclavu, ampliu rexistru de composiciones afitaes nos sentimientos y na pasión amorosa. Nesi mesmu añu algama'l X Premiu Teodoro Cuesta de Poesía cola obra Pequeña Europa, conxuntu de poemes de tradición variada nos que destaca la gran riqueza espresiva. L'autor fai poesía de dellos fechos cotidianos: una alcordanza, una llectura o un viaxe.
Nel añu 2005 algama el Premiu “Xuan María Acebal” de Poesía col poemariu Les llingües de la Hidra y nel 2006 apaez la so segunda novela, Trastes de bufarda.
Tornaría a la narrativa, cola editorial Trabe, nel añu 2011 al asoleyar El sol negru de Wewelsburg, ambientada n'Alemaña Asturnews, consultao' 13 de setiembre de 2011, col que ganaría'l Premiu Críticu de les Lletres Asturianes en 2012Cayarga faise tamién col Premiu Críticu de les Lletres Asturianes na estaya de narrativa Asturnews, consultao'l 27.11.2012. En 211 publicó tamién La ñeve del cuquiellu pol que la tertulia lliteraria Malory-y concedería el premiu del Meyor Llibru n'Asturianu del Añu Les Noticies y ganaría tamién los Premios Críticos de les Lletres Asturianes na so categoría de PoesíaXabiero Cayarga faise col Premiu de les Lletres Asturianes de poesía Asturnews, consultao'l 21.11.2012.
En 2017, la editorial Saltadera publicó nun volume (El cuentu atrás) un repasu al trabayu narrativu de Xabiero de los últimos 25 añosXabiero Cayarga repasa 25 años d'escritura en ‘El cuentu atrás’ asturies.com Consultao'l 21.12.2017. Trátase d'una escoyeta de la obra espublizada por Cayarga, a la que l'autor añade catorce cuentos inéditos y dalgunos otros asoleyaos en medios de poca difusión. Por esti llibru, Xabiero fízose col Premiu de la Crítica 2018 pol so llinguaxe cercanu y coloquial amás de la narración en distintes y múltiples rexistros. Una narrativa caltriante, atenta a los detalles y que s’enfusa na singularidá del mundu individual frente a la realidá cotidiana y globalizada en pallabres del xuráuXaime Martínez y Xabiero Cayarga son Premios de la Crítica 2018 poles sos obres n'asturianu formientu.com Consultao'l 22.12.2018
Xabiero collabora igualmente con revistes lliteraries como Campu de los Patos los mesmo que fizo col selmanariu Les Noticies, dientro de la seición A deslláu.
Obres Poesía El deliriu d'esclavu, 2000 Pequeña Europa, 2001 Les llingües de la Hidra, 2006 La ñeve del cuquiellu, 2011 Mazanes d'iviernu, 2022
Narrativa Les gatileres del cielu, 1994 Güelgues sobre'l llagu, 1996 A flor de piel, 2000 Obra en ruina, 2007 El boleru de Xabel, 1994 Trastes de bufarda, 2005 El sol negru de Wewelsburg, 2011 El cuentu atrás, 2017 (antoloxía)
Traducciones Adiós, Columbus (dende l'inglés; Philip Roth, 2001) Dellos poemes dende l'alemán, de Georg Trakl (2006) y Obra lírica. Selección, d’Hugo von Hofmannsthal (2010) Anne of Green Gables, 2022
Referencies
Categoría:Escritores d'Asturies Categoría:Escritores n'asturianu Categoría:Persones de Cangues d'Onís