Otero ye un conceyu español de la provincia de Toledo, na comunidá autónoma de Castiella-La Mancha.
Toponimia El términu "Otero" deriva del llatín ALTARIV, 'cuetu aislláu qu'apodera un llanu', que de la mesma deriva del axetivu ALTVS por adición del sufixu -ARIV. Hai quien lo deriven del términu llatín "altarium", referíu al llugar eleváu onde se daba cultu a los "dioses cimeros". Sicasí, Álvarez Maurín, piensa que oteru ye un términu d'orixe romance a partir del raigañu oto, 'eleváu', y el sufixu -ero, y que nun taría rellacionáu col términu llatín altarium.
Xeografía right|thumb|290px|Principales regueros del conceyu. El conceyu asítiase «nuna fastera a la marg. d'un regueru» denomináu de la Vega. Pertenez a la Comarca de Torrijos y llinda colos términos municipales d'El Casar de Escalona y Hormigos al norte, Santa Olalla al este, Domingo Pérez al este y sur, Illán de Vacas al suroeste y Los Cerralbos al oeste.
Escontra la metá del términu municipal, d'este a oeste y travesando les urbanizaciones La Encinilla, Villaroeles y Villa del Pino, escurre'l regueru de Marigarcía, afluente del Arberche.
Historia Apaez citáuReal Academia de la Historia, Col. Salazar, M-59, f. 300r. como una de les nueve aldegues qu'Alvar Pérez de Guzmán y Orozco, señor d'Orgaz y alguacil mayor de Sevilla, dona en 1399. En 1449 apaez como «Coca col Otero» nun llibru de rentes de Toledo.Archivu de la Catedral de Toledo, I.8.A.1.2., orig. El términu Coca púnxose por cuenta de la escasez d'agua, según apaez nun documentu del sieglu XVIII.
Perteneció al señoríu de Orgaz y dependió alministrativamente de Santa Olalla, hasta qu'en 1669, concedióse-y el títulu de villa y adquirió la so independencia alministrativa. Tuvo amestáu'l despobláu de Techada.
Nel sieglu XIX foi notable por «tener 42 nacionales d'infantería armaos y uniformados». A mediaos d'esi sieglu tenía 40 cases y el presupuestu municipal xubía a 6.248 reales de los cualos 1.200 yeren pa pagar al secretariu.
Alministración
El gobiernu municipal articúlase al traviés d'un conceyu formáu por 5 conceyales. Tres les eleiciones llocales de 2007, la corporación quedó compuesta por 3 conceyales del PP y por 2 del PSOE.
Demografía La siguiente gráfica amuesa la evolución de la población d'Otero dende 1900.
A mediaos del sieglu XX algamó la so máxima población y a partir d'entós empezó un paulatín descensu. Na siguiente tabla, onde s'amuesa la evolución del númberu d'habitantes ente 1996 y 2006 según datos del INE, apréciase un llixeru aumentu nos últimos años.
NOTA: La cifra de 1996 ta referida a 1 de mayu y el restu a 1 de xineru.
Economía ya industria Históricamente foi una población fundamentalmente agrícola. Mientres el sieglu XIX producíen trigu, cebada, centenu, algarrobes, garbanzos, fabones, vinu y aceite», calteniéndose asina mesmu ganáu lanar, boyal y mular.
Na actualidá'l sector predominante ye'l de servicios con un 52,0 % del total d'empreses qu'operen nel conceyu, siguíu polos de la industria y l'agricultura con un 20,0 % cada unu y finalmente la construcción con un 8 %.Según datos de 2007 de la delegación de gobiernu de Castiella-La Mancha. Vease la so ficha municipal nel apartáu d'enllaces esternos.
Monumentos y llugares d'interés Ilesia parroquial de la Purísima Concepción. Rollu de Xusticia: forma piramidal y planta circular, construyíu en lladriyu revocáu sobre base de piedra. Tien una pequeña urna na que paez ser qu'hubo una imaxe.
Fiestes Segunda quincena d'agostu: fiesta del emigrante, agora non celebrada. Del 12 al 14 de setiembre: fiesta mayor n'honor al Cristu de la Misericordia.
Referencies Notes
Bibliografía
Enllaces esternos
Diputación de Toledo . Datos d'interés sobre la población.
Otero nel Catastru d'Ensenada.
Categoría:Conceyos de Toledo Categoría:Llocalidaes de la provincia de Toledo Categoría:Wikipedia:Artículos con referencies a exónimos en castellán Categoría:Wikipedia:Mantenimientu:Llocalidaes d'España ensin partíu xudicial