Nikolái Víktorovich Podgorni (; ) foi un políticu soviéticu, Presidente de la XRSS ente 1965 y 1977. El so puestu oficial yera'l de Presidente del Presidium del Sóviet Supremu de la XRSS.
Inxenieru, tituláu nel Institutu Teunolóxicu de la Industria Alimentaria de Kiev, foi Vice-Ministru pa la Industria Alimentaria de la RSS d'Ucraína, y en 1950 entró a formar parte de la direición del Partíu Comunista de la Xunión Soviética (PCXS). Foi escoyíu miembru del so Comité Central en 1956 y del Politburó en 1960. Asina mesmu, foi Secretariu Xeneral del Partíu Comunista de la RSS d'Ucraína.
En 1965 asocedió a Anastás Mikoyán al frente del Presidium del Sóviet Supremu, cargu equivalente al de Xefe d'Estáu de la Xunión Soviética. En 1977 foi apostráu del so cargu ante'l poderosu Leonid Brézhnev y espulsáu del Politburó.
Referencies
Enllaces esternos
Categoría:Gobernantes de la Xunión Soviética Categoría:Políticos y polítiques de la Xunión Soviética Categoría:Héroe del Trabayu Socialista