thumb|right|250px|Estandarte real de Tonga. 100px|thumb|right|Monograma. Tupou VI (nome completu: ʻAhoʻeitu ʻUnuakiʻotonga Tukuʻaho; nacíu'l 12 de xunetu de 1959) ye'l rei de Tonga tres la muerte del so hermanu mayor el rei Siaosi Tupou V el 18 de marzu de 2012. Foi primer ministru de Tonga, desempeñando'l cargu dende'l 3 de xineru de 2000 al 11 de febreru de 2006. Tamién ocupó'l puestu de ministru d'Asuntos Esteriores dende ochobre de 1998 hasta agostu de 2004 y ministru de Defensa dende esa fecha hasta setiembre de 2004. Sirvió como alto comisionado de Tonga p'Australia (morando en Camberra)"Crown Prince Tonga's first High Commissioner to Australia", Matangi Tonga, 15 d'agostu de 2008"Tonga's Crown Prince made High Commissioner in Canberra", Radio Internacional de Nueva Zelanda, 15 d'agostu de 2008 hasta la muerte del so hermanu, el rei George Tupou V.
Biografía Foi educáu en The Leys School, Cambridge dende 1973 hasta 1977. Darréu, ingresó na Universidá de Anglia del Este, onde cursó Estudios pal Desenvolvimientu dende 1977 hasta 1980.
Empecipió la so carrera militar formando parte de l'Armada de los Servicios de Defensa de Tonga en 1982. En 1987 pasó a ser capitán de corbeta teniente comandante de les Fuercies Armaes d'esi país. Dende 1990 hasta 1995 dirixó'l PPB Voea Pangai desempeñando llabores de caltenimientu de la paz en Bougainville. En 1998 remató la so carrera militar pa convertise en ministru, sustituyendo los cargos del so hermanu Siaosi Tupou V.
A la muerte del so padre'l rei Tāufaʻāhau Tupou IV en setiembre de 2006, el nuevu rei, el so hermanu Siaosi Tupou V, nóma-y herederu del tronu, yá qu'él yera solteru. Tres la muerte del so hermanu en 2012, tuvo d'esperar un añu pa ostentar el títulu de rei de Tonga.
En 2013 foi designáu canciller de la Universidá del Pacíficu Sur.
La so ceremonia de coronación tuvo llugar el día 4 de xunetu de 2015.
Matrimoniu y descendencia Ahoeitu ta casáu cola so prima segunda, Nanasipauʻo Tukuʻaho, fía del barón Vaea de Houma, y de la so esposa, la baronesa Tuputupu Vaea de Houma (nacida Tuputupukipulotu Lausiʻi). Contraxeron matrimoniu na Capiya Real de Nukuʻalofa, el 11 d'avientu de 1982.Royal Ark
El matrimoniu tuvo trés fíos.
La so Alteza Real la princesa Lātūfuipeka Tukuʻaho - Angelika Lātūfuipeka Halaevalu Mataaho Napuaokalani Tukuaho (nacida'l 17 de payares de 1983 en Nukuʻalofa). Sustituyó al so padre como alto comisionado de Tonga p'Australia cuando ésti xubió al tronu. La so Alteza Real el príncipe herederu Tupoutoʻa ʻUlukalala - Siaosi Manumataongo Alaivahamamao Ahoeitu Konstantin Tukuaho (nacíu'l 17 de setiembre de 1985 en Nukuʻalofa). Casóse na Ilesia Metodista Centenaria de Nukuʻalofa el 12 de xunetu de 2012 col so doble prima segunda, Sinaitakala Fakafānua, fía del Dr. Kinikinilau Fakafānua, VII noble Fakafānua, y de la so esposa, la princesa ʻOfeina de Tonga, lady Fakafānua, dambos primos hermanos del rei Tupou VI.Tongan Royal Heir Engaged to Marry Tienen dos fíos de mancomún: La so Alteza Real el príncipe Taufaʻahau Manumataongo - Taufaʻahau Manumataongo Tukuʻaho (nacíu'l 10 de mayu de 2013 en Auckland). La so Alteza Real la princesa Halaevalu Mata'aho Tuku'aho (nacida'l 14 de xunetu de 2014 en Auckland). La so Alteza Real el príncipe Ata - Viliami Unuaki-o-Tonga Mumui Lalaka-Mo-y-Eiki Tukuaho (nacíu'l 27 d'abril de 1988 en Nukuʻalofa). Asocedió al so padre nel títulu de príncipe Ata cuando ésti xubió al tronu.
Llogros destacaos 2004 - Ministru d'Aviación Civil, Ministru de Comunicaciones, Ministru de Defensa, Ministru de la Marina y Ministru de Trabayu. 2001 - Ministru d'Aviación Civil y Ministru de Comunicaciones 2000 - Primer Ministru, Ministru d'Agricultura y Mediu Ambiente, Ministru de Pesca y Ministru de la Marina. 1998 - Ministru d'Asuntos Esteriores y de Defensa * 1991-1995 - Comandante de la Marina, Servicios de Defensa de Tonga, Ministro d'AA.EE. y de Defensa.
Estudios 1998 - Máster en Arte y en Rellaciones Internacionales, pola Universidá de Bond, en Queensland (Australia). 1997 - Máster n'Estudios de Defensa, pola Universidá de Nueva Gales del Sur (Australia). 1995 - Graduáu n'Estudios Estratéxicos, pola Australian Joint Services Staff College (Australia). 1988 - Diplomatura n'Estudios Estratéxicos, United States Naval War College, Newport, en Rhode Island (EE. XX.).
Distinciones honorífiques Distinciones honorífiques tonganas 50px Soberanu Gran Maestre de la Orde de la Corona de Tonga (01/03/2012). 50px Soberanu Gran Maestre de la Real Orde del Rei George Tupou I (01/03/2012). 50px Soberanu Gran Maestre de la Real Orde de Puonono (01/03/2012). 50px Soberanu Gran Maestre de la Ilustrísima Orde de la Reina Sāllote Tupou III (01/03/2012). 50px Soberanu Gran Maestre de la Orde de la Casa Real de Tonga (01/03/2012). 50px Soberanu Gran Maestre de la Real y Militar Orde de San Jorge (01/03/2012). 50px Soberanu Gran Maestre de la Orde del Fénix de Tonga (01/03/2012). 50px Medaya Conmemorativa de la Coronación de George Tupou V (01/08/2008). 50px Medaya Xeneral de Serviciu a la Defensa de Tonga (04/07/1995). 50px Medaya Conmemorativa del Xubiléu de Tupou IV (04/07/1992). 50px Medaya de la Defensa de Tonga pol Llargu Serviciu y la Bona Conducta.
Ancestros Ancestros de Tupou VI de Tonga
Referencies
Enllaces esternos Biografía apurrida pol Gobiernu de Tonga (n'inglés)
Categoría:Políticos y polítiques de Tonga Categoría:Reis de Tonga Categoría:Monarques reinantes Categoría:Embaxadores de Tonga Categoría:Wikipedia:Mantenimientu:Persones ensin plantía nym