1972 (MCMLXXII) foi un añu bisiestu entamáu en sábadu nel calendariu gregorianu. Nel contestu del Tiempu Universal Coordináu foi l'añu más llargu de la historia, una y bones añadiéronse, a esti añu bisiestu, dos segundos, cosa que nun se fizo más dende entós.
Fechos 1 de xineru - Kurt Waldheim conviértese en secretariu xeneral de les Naciones Xuníes. 20 de xineru - El presidente de Paquistán, Zulfikar Ali Bhutto, anuncia que'l so país va entamar un programa pal desarrollu d'armamentu nuclear. 21 de febreru - La nave espacial non tripulada Luna 20 posa na Lluna. 26 de febreru - Luna 20 vuelve pa la Tierra, trayendo 55 g de tierra llunar. 2 de marzu - Jean-Bédel Bokassa conviértese en presidente de la República Centroafricana. 13 de marzu - La República Popular China y el Reinu Xuníu intercambien embaxadores tres de llevar ventidós años ensin facelo. 26 de marzu - Un argayu de ñeve mata 19 escaladores nel monte Fuji (Xapón). 10 d'abril - Un terremotu de 7,0 graos na escala de Richter mata 5.000 persones na provincia iranina de Fars. 27 d'abril - Entama en Burundi el xenocidiu de los Hutu, nel que van morrer más de 500.000 persones d'esta etnia. 15 de mayu - La islla d'Okinawa vuelve a la soberanía xaponesa dempués de 27 años d'ocupación militar d'Estaos Xuníos. 22 de mayu - El dominiu británicu de Ceilán conviértese, al ratificase la constitución y con Sirimavo Bandaranaike como primer ministru, na república de Sri Lanka. 23 de mayu - Fúndase, en Sri Lanka, el Frente Xuníu Tamil (dempués conocíu como Frente Xuníu pola Lliberación Tamil) pa defender los derechos d'esta minoría. 17 de xunu - El presidente chilenu Salvador Allende forma un nuevu gobiernu. 26 de xunu - Nolan Bushnell y Ted Dabney funden Atari. 28 de xunu - El presidente d'Estaos Xuníos Richard Nixon anuncia que nun s'han unviar más reclutes a lluchar en Vietnam. 4 d'agostu - Uganda: El dictador Idi Amin declara que'l país ha treslladar a 50.000 persones de raza asiática con pasaporte británicu al Reinu Xuníu en tres meses. 22 d'agostu - Rhodesia ye espulsada del Comité Olímpicu Internacional poles sos polítiques racistes. 26 d'agostu - Entamen los Xuegos Olímpicos de Branu de 1972 na ciudá de Munich, n'Alemaña Occidental. 1 de setiembre - Bobby Fischer derrota a Boris Spassky nun tornéu celebráu en Reikiavik (Islandia) y se convierte nel primer campeón mundial d'Estaos Xuníos d'axedrez. 25 de setiembre - Los noruegos opónense, nún referendu, a la integración del so país na Comunidá Económica Europea. 2 d'ochobre - Dinamarca conviértese en miembru de la Comunidá Económica Europea, magar que les islles Feroe permanecen fuera d'ella. 2 d'avientu - Edward Gough Whitlam conviértese nel primer candidatu llaborista que consigue ser elixíu como primer ministru australianu en 23 años. Xura'l cargu'l 5 d'avientu, y la so primer decisión ye la retirada de tol personal australianu que participaba na guerra de Vietnam. 11 d'avientu - L'Apollo 17 posa na Lluna. 24 d'avientu - El primer ministru suecu Olof Palme compara los bombardeos d'Estaos Xuníos de Vietnam del Norte coles masacres nazis. De resultes Estaos Xuníos ruempe rellaciones diplomátiques con Suecia.
Nacencies 11 de xineru - Amanda Peet, actriz d'Estaos Xuníos. 13 de xineru - Vitaly Scherbo, ximnasta bielorrusu. 26 de xineru - David Gallego, exfutbolista y entrenador de fútbol español. 6 de marzu - Shaquille O'Neal, xugador de baloncestu d'Estaos Xuníos. 29 de marzu - Hera Björk, cantante islandesa. 16 d'abril - Conchita Martínez, tenista española. 17 d'abril - Jennifer Garner, actriz d'Estaos Xuníos. 19 d'abril - Rivaldo, futbolista brasilanu. 3 de xunu - Alejandro Acton, ciclista arxentín. 23 de xunu - Zinedine Zidane, futbolista francés. 24 de xunu - Robbie McEwen, ciclista australianu. 29 de xunu - Glen Whisby, xugador de baloncestu d'Estaos Xuníos. 3 de xunetu - Ana Villa, actriz asturiana. 28 de xunetu - Elizabeth Berkley, actriz d'Estaos Xuníos. 15 d'agostu - Ben Affleck, actor d'Estaos Xuníos. 30 d'agostu - Cameron Diaz, actriz d'Estaos Xuníos. 30 d'agostu - Pavel Nedvěd, futbolista checu. 19 de setiembre - Juanmi Gelabert, futbolista español. 21 de setiembre - Liam Gallagher, cantante británicu. 27 de setiembre - Gwyneth Paltrow, actriz d'Estaos Xuníos. 17 d'ochobre - Eminem, cantante de rap y actor d'Estaos Xuníos. 22 d'ochobre - Saffron Burrows, actriz británica. 29 d'ochobre - Gabrielle Union, actriz d'Estaos Xuníos. 1 de payares - Toni Collette, actriz australiana. 4 de payares - Luís Figo, futbolista portugués. 6 de payares - Thandie Newton, actriz d'Estaos Xuníos. 13 de payares - Takuya Kimura, actor xaponés. 12 d'avientu - Wilson Kipketer, atleta danés d'orixe kenianu. 29 d'avientu - Jude Law, actor británicu.
Muertes 14 de xineru - Federicu IX, rei de Dinamarca. 31 de xineru - Mahendra, rei del Nepal. 7 de febreru - Walter Lang, direutor de cine d'Estaos Xuníos. 24 de marzu - Cristóbal Balenciaga, diseñador de moda español. 27 d'abril - Kwame Nkrumah, políticu ghanianu. 2 de mayu - J. Edgar Hoover, políticu d'Estaos Xuníos que foi direutor del FBI. 7 de xunetu - Talal, rei de Xordania. 16 d'ochobre - Leo G. Carroll, actor británicu. 26 d'ochobre - Igor Sikorsky, inxenieru aeronáuticu soviéticu. 1 de payares - Ezra Pound, poeta d'Estaos Xuníos. 9 d'avientu - William Dieterle, direutor de cine alemán. 26 d'avientu - Harry S. Truman, 33ᵘ presidente de los Estaos Xuníos.
Referencies
Enllaces esternos
Categoría:1972 Categoría:Sieglu XX