AIAF Mercado de Renta Fija S.A.https://www.eleconomista.es/diccionario-de-economia/mercado-aiaf ye un mercáu organizáu de delda (o renta fixa) nel que coticen y axústense los activos que les empreses de tipu industrial, les entidaes financieres y les Alministraciones Públiques Territoriales emiten pa captar fondos pa financiar la so actividá.
El so orixe ta nunes xuntes celebraes a instancia del Bancu d'España en 1986, nes que se creó l'Asociación d'Intermediarios d'Activos Financieros. El mercáu de pagarés d'empresa taba teniendo una crecedera desordenada, y la solvencia de delles emisiones yera duldosa. Per aciu d'esta Asociación, el Bancu d'España naguaba por que se autorregulase'l mercáu al traviés de los sos principales participantes. Ameyoró l'espardimientu d'información y la tresparencia, creóse una sociedá de compensación y lliquidación (Espaclear) y pocu dempués constituyóse AIAF como mercáu entamáu non oficial. Al tener comisiones más baxes que la Bolsa, llueu creció la so popularidá ente les principales entidaes financieres y aumentó'l so volume de contratación.
Lo mesmo que'l restu de mercaos financieros españoles, ta reguláu y supervisáu pola Comisión Nacional del Mercado de Valoreshttps://www.expansion.com/diccionario-economico/asociacion-de-intermediarios-de-activos-financieros-aiaf.html , col envís de garantizar la tresparencia de les operaciones y de fomentar la lliquidez de los activos almitíos a cotización.
En 2001, integróse xunto a MEFF y SENAF en MEFF AIAF SENAF Holding de Mercados Financieros, S.A. pa beneficiase de sinerxies ente los distintos mercaos y optimizar medios. Esti grupu ta de la mesma integráu en Bolses y Mercaos Españoles.
Referencies
Enllaces esternos Páxina oficial
Categoría:Mercaos financieros