Agatón (Palermo, Sicilia, c. 577-Roma, 10 de xineru de 681) foi'l papa nᵘ 79 de la Ilesia católica dende 678 hasta la so muerte.«Pope St. Agatho». Catholic Encyclopedia (en inglés). Nueva York: Robert Appleton Company. 1913. OCLC 1017058. Ye veneráu como santu tantu pola Ilesia católica como pola ortodoxa y ye'l patrón de Palermo, la so ciudá natal. Nun se sabe enforma de la so vida antes del so papáu.
Biografía Tres la muerte del so padre, partió'l so heriedu ente los probes ya ingresó como legu nel monesteriu benedictín de San Hermes de Palermo, nun tomando les órdenes sacerdotales hasta'l 677, cuando cuntaba con cien años d'edá.
Al añu siguiente, el 27 de xunu, ye escoyíu papa.
El so curtiu pontificáu destaca pola convocatoria del Sestu Conceyu Ecuménicu, celebráu en Constantinopla ente'l 680 y el 681, y que so la presidencia del emperador bizantín Constantín IV condergó'l monotelismo y el monoenergismo.
Coles mesmes consiguió que Constantín IV aboliera l'impuestu de trés mil escudos que, dende Xustinianu I, los papes taben obligaos a pagar pa ver la so eleición confirmada pol emperador.
Finó'l 10 de xineru de 681 y ye veneráu como santu tantu pola Ilesia católica como pola Ilesia ortodoxa. Considérase-y el pontífiz más vieyu de la historia, pos s'especula que morriera con más de 100 años.
Referencies
Categoría:Persones finaes en 681 Categoría:Wikipedia:Mantenimientu:Persones ensin plantía NF Categoría:Santos y santes de la Ilesia católica Categoría:Santos y santes de la Ilesia ortodoxa Categoría:Wikipedia:Páxines con enllaces interllingüísticos Categoría:Persones de Sicilia Categoría:Wikipedia:Mantenimientu:Persones ensin plantía nym