Agapitu I foi'l papa nᵘ 57 de la Ilesia católica de 535 a 536.

Fíu d'un sacerdote llamáu Gordianus que foi asesináu mientres les revueltes que sufrió Roma en tiempos del papa Símaco, desempeñó los distintos graos del exerciciu sacerdotal nes ilesies de San Juan y San Pablo, collaborando con Cassiodoro na fundación en Roma d'una biblioteca eclesiástica d'autores griegos y llatinos y nun proyeutu en Vivarium pa traducir los filósofos griegos al llatín.

Cuando finó'l papa Xuan II, l'entós arcedianu Agapito foi escoyíu p'asocede-y, y el so primer actu como pontífiz foi quemar públicamente les buldes poles que'l papa Bonifacio II escomulgara al antipapa Dioscuro.

Confirmó, enfrentándose pa ello al emperador Xustinianu, los decretos del Conceyu de Cartago polos que negaba a los arrianu que volvíen a la ortodoxa cristiana'l caltenimientu de los sos cargos y beneficios.

Na so llucha contra la herexía enfrentóse tamién cola emperatriz Teodora d'idees monofisites escomulgando al Patriarca de Constantinopla, Antimo I de Constantinopla, nomáu por ella por ser siguidor de la so mesma doctrina, deponiéndolo y ordenando patriarca a Menas. Coles mesmes condergó a los monxos acemetas de Constantinopla bien próximos al nestorianismu.

El mesmu añu de la so eleición el rei ostrogodu Teodato, que se fixera col tronu tres la muerte d'Atalarico y la so madre la rexente Amalasunta, solicitó al papa que viaxara a Constantinopla por que disuadiera a Xustinianu I que les sos ambiciones territoriales n'Italia, bien amontaes tres la conquista de Sicilia pol so xeneral Belisario.Breviarium S. Liberati, ap. Mansi, Concilia, vol. ix. p. 695

Agapito finó'l 22 d'abril de 536 cuando entá s'atopaba en Constantinopla. El so cuerpu foi treslladáu a Roma nun ataúd de plomu y foi enterráu na ilesia de San Pedro.

Referencies

Enllaces esternos

Categoría:Papes Categoría:Papes santos Categoría:Santos y santes de la Ilesia ortodoxa Categoría:Santos y santes de la Ilesia católica Categoría:Santos y santes Categoría:Persones de Roma Categoría:Persones d'Italia Categoría:Papes d'Italia