Christian Dior foi un influyente diseñador de moda, fundador de la firma de moda que lleva'l so nome, Dior, una de les marques d'artículos de luxu más representatives del últimu sieglu.
Biografía
Christian Dior yera fíu d'una familia de la burguesía de provincies francesa. Foi educáu pol serviciu diplomáticu na École des Sciences Politiques de París. Depués, empezó a trabayar na industria de la moda, la so verdadera vocación.
De primeres, Dior fixo bocetos pa Robert Piguet, el gran diseñador parisín de la dómina. En 1946, sofitáu pol magnate testil Marcel Boussac, (denomáu'l "rei del algodón"), estableció una casa de cordura en París. En vente años espandió'l so negociu a 15 países y emplegaba a más de 2000 persones. Coles mesmes, diversificó'l negociu escontra otros productos de luxu, como arumes o xoyes, con un ésitu de ventes ablucante. Dalguna de les composiciones más mítiques de la historia de la perfumería lleven el sellu Dior.
Ye especialmente conocíu'l llamáu "New Look" de 1947 (nomatu dau por una periodista americana), un estilu de cordura pa muyer que propón costazos torniaos, cintura fina y falda amplia en forma de corola a venti centímetros del suelu. Representa la elegancia clásica y la vuelta a una imaxe femenina, y supunxo la recuperación del luxu y l'escesu tres la depresión de la Segunda Guerra Mundial.
Nuna entrevista de 1953, dempués de que-y entrugaren ¿Cúal ye la reina que más-y prestó vistir?, contestó: La única reina que vistí foi Eva Perón. Ello ye que llegó a tener tal afinidá col glamour de la ex primera dama arxentina, que tenía un maniquín coles midíes d'Eva nel so taller., Christian Dior concede un reportaxe.
Dempués de la so muerte, la casa Dior siguió la so actividá con otros diseñadores de gran sonadía: Yves Saint Laurent, Marc Bohan, Gianfranco Ferré, John Galliano, Raf Simmons o Maria Grazia Chiuri, actual Direutora Creativa de Dior y enantes de Valentino.
La casa Dior vistió a celebridaes como Diana de Gales (a la que la firma homenaxó en 1995 con un famosu bolsu de mano llamáu "Lady Dior"). Otres de les sos veceres foron la primer dama de Francia Carla Bruni y la hermana del Rei d'España Elena de Borbón, ente otres munches.
Ver tamién Muséu y xardín Christian Dior Referencies
Enllaces esternos
Dior, sitiu web oficial de la firma.
Categoría:Diseñadores de moda de Francia