Harold Lee Scott, Jr. foi presidente y direutor executivu de Wal-Mart dende xineru de 2000 hasta xineru de 2009. Scott trabayó pa Wal-Mart en distintos puestos dende'l so ingresu en 1979. Sol so lideralgu, Wal-Mart caltuvo la so posición como la más grande tienda minorista nel mundu basáu na so rentabilidá.
Scott ye graduáu n'Alministración de la Universidá Estatal de Pittsburg en Kansas. Ta casáu con Linda G. Scott y tien dos fíos.
Scott foi incluyíu pola revista Time na llista de les 100 persones más influyentes nos años 2004 y 2005.
Carrera en Wal-Mart Lee Scott ingresó en Wal-Mart en 1979 como Asistente del Direutor de tresportes, pa depués asumir la posición de Direutor de Tresportes, Vicepresidente de Tresporte, Vicepresidente de Distribución y Vicepresidente Senior de Loxística. En 1993, Scott foi promovíu a Vicepresidente Executivu de Loxística, siendo una pilastra nel desenvolvimientu de la rede de distribución de la compañía, que ta catalogada como la más avanzada y eficiente sistema a nivel mundial.
En 1998, Lee Scott foi nomáu Presidente y CEO de la división de tiendes de Wal-Mart, pa un añu más tarde, ser nomáu Presidente y CEO de Wal-Mart.
Crítiques Scott foi bien criticáu pola so rellación comercial con China rellacionaes a les polítiques llaborales que remana, argumentando que dicha rellación resultó en perdíes de places llaborales nos Estaos Xuníos. A estes crítiques Scott afirmó que munches compañíes tienen rellaciones con China y ye pola falta d'innovación de les empreses productores americanes.
Per otra parte, criticábase-y a Wal-Mart pola implantación de polítiques inxustes nel manexu del personal, en desterciu de los ingresos de los emplegaos. Scott rebatía esta posición, afirmando que Wal-Mart pagaba más qu'otres tiendas minoristes, al igual que la gran mayoría de los sos emplegaos cuntaba con beneficios de salú a diferencia d'otres compañíes del ramu.
Fuentes
CNN Money Wall Street Journal
Referencies
Enllaces esternos Interview with Grist Magacín
Categoría:Direutores executivos Categoría:Executivos d'Estaos Xuníos Categoría:Wikipedia:Mantenimientu:Persones ensin plantía NF