Bejaïa o Bidjaya (en tamazight Ficheru:Béjaïa in Tifinagh.svg / Vgaiet, pronunciáu []; n'árabe بجاية''', Bijāya, Folgazana en feniciu, Saldae en llatín) ye una ciudá d'Arxelia, asitiada na Cabilia al pie del monte Gouraya y a veres del Mediterraneu. Ye la capital de la wilaya del mesmu nome (departamentu o provincia de Bugía).
Con 177 988 habitantes en 2008, ye la mayor ciudá de Cabilia. Ye un polu industrial de posición geoestratégica importante, con un puertu petrolero y comercial nel Mediterraneu. Cuenta coles mesmes con un aeropuertu internacional, l'aeropuertu Soummam-Abane Ramdane, que'l so códigu IATA ye BJA. La wilaya de Bugía tien 3268 km² y 912 577 habitantes.
Ye la sede de la Universidá de Bugía, llamada Universidá Abderrahmane Mira, que foi fundada en 1983.
Historia 200px|miniaturadeimagen|left|Dírham almohade acuñáu en Bugía. Bugía ye una de les ciudaes más antigües d'Arxelia. Foi fundada en 26/27 e.C. pol emperador romanu Augusto col nome de Julia Augusta Saldensium Septimana Immunis (Saldae), y foi incorporada a la Mauritania Cesariense en 42 d. C. Na Edá Media foi unu de los puertos más prósperos del Mediterraneu y fíxose famosa pola calidá de la so cera d'abeya pa candeles (buxíes). Les pallabres bougie'' ("vela" en francés) y "buxía" provienen del nome d'esa ciudá. Tamién tuvo un gran papel nel espardimientu de los númberos arábigos n'Occidente.
Foi conquistada ya incorporada al Imperiu español en 1510 y depués conquistada pol Imperiu otomanu en 1555.
Referencies
Enllaces esternos
Bgayet.net, páxina oficial de la ciudá de Bejaia con numberoses semeyes y videos y estensa información histórica (en francés) Páxina oficial del puertu de Bejaia (en francés)
Categoría:Llocalidaes d'Arxelia Categoría:Cabilia