María de Bohun foi la menor de les trés fíes d'Humberto de Bohun, VII conde de Hereford, Essex y Northampton -bisnietu del rei Eduardo I d'Inglaterra per llinia del so padre-, y de Juana FitzAlan -tresnieta del rei Enrique III d'Inglaterra- per #llinia de la so madre Leonor de Lancaster.
A la muerte del so padre (16 de xineru de 1372), los inmensos estaos de la familia de Bohun son estremaos ente María y la so hermana mayor Leonor -la segunda fía, Isabel, morriera na infancia en 1369.
Matrimoniu Casó nel Castiellu d'Arundel, en Sussex, el 27 de xunetu de 1380, con Enrique de Bolingbroke, futuru Enrique IV d'Inglaterra herederu del ducáu de Láncaster, y qu'usaría los títulos de conde de Northampton y de Hereford -eleváu a ducáu tiempu dempués- pol derechu de la so muyer.
Morrió al dar a lluz a la so última fía, nel castiellu de Peterborough, el 4 de xunu de 1394, cinco años primero que'l so maríu asumiera'l tronu como Enrique IV.
Descendencia Del enllaz con Enrique IV, María tuvo siete fíos: Eduardo (1382-1382). Enrique (1387-1422), rei d'Inglaterra. Tomás (1388-1421), duque de Clarence. Juan (1389 - 1435), duque de Bedford, rexente de Francia. Hunfredo (1390 - 1447), duque de Gloucester, rexente d'Inglaterra. Blanca (1392 - 1409), casada con Lluis III, príncipe eleutor palatín. Felipa (1394 - 1430), casada col rei Erico de Pomerania, rei de Dinamarca, Noruega y Suecia.
Referencies
Enllaces esternos